मारुं वडोदरा

कला, संस्कृती, शिक्षण आणि मराठी साहित्याला राजाश्रय देऊन समृद्ध करणारे थोर विचारवंत महाराजा सयाजीराजे गायकवाड यांच्या ऐतिहासिक कर्मभूमीत, गुजरातमधील वडोदरा येथे पहिले ‘सयाजीराजे गायकवाड मराठी साहित्य संमेलन’ रंगणार आहे. अखिल भारतीय मराठी साहित्य परिषदेच्या वतीने हे संमेलन २५ ऑक्टोबर २०२६ रोजी आयोजित केले आहे.यानिमित्ताने  बडोद्याची महती सांगणारी कविता 


            मारुं वडोदरा
         ---------------------

      केम छो ? मजामां !!


छोटी पण हुषार राजकन्या ,
      बडोदा असे तीचे नाव !
गायकवाडांची मानसपुत्री ,
     सर्व कलागुणांना ईथे वाव !!

मुर्ती छोटी पण किर्ती महान ,
     शांत , परिपूर्ण स्वर्गाची सुंदरी !
जग प्रसिद्ध लोभस रुप ,
   जन म्हणे तीला संस्कारीनगरी !!

विश्वामित्रीच्या कुशीत सुखावला ,
      तीचा महान इतिहास !
गुजरातच्या ओटीत पडलेलं ,
      हे देखणं नक्षत्र आहे खास !!

एका पेक्षा एक रत्न ,
      तीच्या पोटी जन्मली  !
अनेक गरजू कलावंतांना ,
     पांघरली मायेची सावली !!

उरांत जोपासून आहे ती ,
      कलेचा समृद्ध वारसा !
कलाभवन , महाविद्यालय ,
    विश्वविख्यात शिक्षणाचा आरसा !!

प्रेक्षणीय स्थळांनी कोरली ,
    तिच्या शालू वरती नक्षी !
लक्ष्मीविलास पॅलेस असे ,
     भव्य इतिहासाचा साक्षी !!

ईऐमई टेंपल , सूरसागर ,
     मंगळबजार आणि मांडवी !
खंडेराव मार्केट , अनेक महाले ,
     तिच्या पदराची शोभा वाढवी !!

किर्तिस्तंभ , न्यायमंदिर ,
      तिच्या अंगावरचं गोंदणं !
रोशणाईत सजतो टावर ,
    भासतो जणू पुनवेचं चांदणं !!

गालांवरचा तीळ सयाजीबाग ,
      जणु ईंन्द्राचा दरबार !
जमीनीवरचे घड्याळ तेथे ,
    टॉय ट्रेन धावे शानदार !!

हृदयात तिच्या वसला ,
     उंच पुरा काळा घोडा !
तारांगण , म्युझियम इतर ,
     नक्षत्रांचा थाट नसे थोडा !!

नवरात्रीत दांडिया घेऊन ,
    गिरकी घेते ही नटरंगी नार !
जगभर प्रसिद्ध तीचा गरबा ,
    खेळते सजून सोळा शृंगार !!

संक्रांत असो वा महोरम ,
      क्रिसमस असो वा दसरा !
सर्व धर्म समभाव ठेवून ,
    प्रत्येक सण करते साजरा !!

लीलो चेवडो , बाकरवडी ,
    समोसे आणि सेवउसळ 
साखरी पेढे,खमण,ढोकळा 
    खाणीपिणीची नुसती चंगळ !!

कापड चोपडचे वैविध्य ,
     विविध रंगात रंगलेली !
अनेक ऋतु सोहळ्यात भिजते ,
     नाना कलागुणसंपन्न अलबेली !

नेहमी करेल स्वागत हसतच ,
    इये वडोदराची नगरी !
अनेकांची मार्गदर्शक असे ती ,
   माझा ठाव तिच्या उदरी||

    भले पधार्या महेमान..!!!


सौ मानसी म्हसकर,  वडोदरा गुजरात