गावगाडा साहित्य पुरस्कारासाठी साहित्यिकांना आवाहन Gavgaada Marathi Literature Award

वडशिवणे : ग्रामीण लोकमानस आणि लोकसंस्कृतीचे प्रतिबिंब असलेल्या मराठीतील दर्जेदार साहित्यकृतींना गौरविणारा ‘गावगाडा साहित्य पुरस्कार’ यंदाही प्रदान करण्यात येणार असून, या पुरस्काराचे हे १७वे वर्ष आहे. विश्वकर्मा तरुण मंडळ, वडशिवणे (ता. करमाळा, जि. सोलापूर) यांच्या वतीने हा पुरस्कार दिला जातो.

यंदाच्या पुरस्कारासाठी १ जानेवारी २०२५ ते ३१ डिसेंबर २०२६ या कालावधीत प्रकाशित झालेले कवितासंग्रह स्वीकारण्यात येणार आहेत. इच्छुक साहित्यिकांनी आपल्या साहित्यकृतीच्या दोन प्रती, अल्प परिचय आणि छायाचित्र यांसह साहित्य पाठवावे, असे आवाहन विश्वकर्मा तरुण मंडळाच्या वतीने करण्यात आले आहे.

पुरस्काराचे स्वरूप रोख रक्कम, स्मृतिचिन्ह आणि सन्मानपत्र असे आहे. साहित्यिकांनी आपली साहित्यकृती ३१ डिसेंबर २०२६ पर्यंत पाठवावी.

यापूर्वीचे पुरस्कारप्राप्त साहित्यिक

‘गावगाडा साहित्य पुरस्कार’ यापूर्वी भागवत बावळे (२०११), प्रा. डॉ. अर्जुन व्हटकर (२०१२), कल्पना दुधाळ (२०१३), पार्थ पोळके (२०१४), सतीश दराडे (२०१५), ऐश्वर्य पाटेकर (२०१६), रावसाहेब कुंवर (२०१७), तुकाराम पाटील (२०१८), दिनकर कुटे (२०१९), जयदीप विघ्ने (२०२०), हरिश्चंद्र पाटील (२०२१), डॉ. कालिदास शिंदे व बाबुराव इंगळे (२०२२), तान्हाजी बो-हाडे (२०२३), प्रकाश सोनाळकर (२०२४), मारोती मानेमोड (२०२५) तसेच डॉ. विलास खरात व डॉ. देवानंद सोनटक्के (२०२६) यांना प्रदान करण्यात आला आहे.

साहित्यिकांनी पुस्तके सोमनाथ मधुकर टकले, मु.पो. वडशिवणे, ता. करमाळा, जि. सोलापूर – ४१३२२३ या पत्त्यावर पाठवावे. अधिक माहितीसाठी मोबाईल : ९६९९७६०८०२ येथे संपर्क साधावा.

याबाबतची माहिती विश्वकर्मा तरुण मंडळाचे अध्यक्ष सोमनाथ मधुकर टकले यांनी दिली. यावेळी डॉ. जनार्दन भोसले, दत्तात्रय पिसाळ आणि बाबुराव इंगळे उपस्थित होते.