Shree Shabdha Poem award
‘ श्रीशब्द ‘ काव्यपुरस्कार जाहीर
प्रतिभा सराफ यांच्या उमलावे आतूनीच (ग्रंथाली,मुंबई) व लक्ष्मण महाडिक यांच्या स्त्रीकुसाच्या कविता (शब्दालय ,श्रीरामपूर) या पुस्तकांना पुरस्कार
नेज (ता. हातकणंगले जि. कोल्हापूर ) येथील स्फूर्ती साहित्य संघ व पोतदार परिवार यांचेमार्फत कै. सत्यभामा भगवंत पोतदार यांच्या स्मृतिप्रीत्यर्थ दिले जाणारे ‘श्रीशब्द’ काव्य पुरस्कार जाहीर करण्यात आले. जानेवारी २०२१ ते डिसेंबर २०२१ या कालावधीतील पुरस्कारासाठी कवितासंग्रह कोल्हापूर, सांगली, अहमदनगर, पुणे , सातारा, बेळगांव, कोकण, अमरावती, मुंबई, नाशिक, अकोला अशा अनेक ठिकाणाहून उत्स्फुर्तपणे कवितासंग्रह प्राप्त झाले.
कवी सुभाष पाटील यांच्या मार्गदर्शनाखालील समितीने पुरस्कारासाठी पुस्तकांची निवडकेली. यामध्ये प्रतिभा सराफ यांच्या उमलावे आतूनीच (ग्रंथाली,मुंबई) या पुस्तकास ₹ १००० व सन्मानचिन्ह, प्रमाणपत्र, लक्ष्मण महाडिक यांच्या स्त्रीकुसाच्या कविता (शब्दालय ,श्रीरामपूर) या पुस्तकास ₹.१००० व सन्मानचिन्ह, प्रमाणपत्र असे पुरस्कार जाहीर झाले.
याशिवाय विशेष पुरस्कार प्रत्येकी ₹ ५०० व सन्मानचिन्ह, प्रमाणपत्र देण्यात येणार आहे. यामध्ये डॉ. राजश्री पाटील यांच्या ती अजूनही जळत आहे ( ग्रंथाली, मुंबई), रमजान मुल्ला यांच्या अस्वस्थ काळरात्रीचे दृष्टांत (गोल्डन पेज, पुणे), डॉ. बी. एम. हिर्डेकर यांच्या ऋतुरंग (भाग्यश्री प्रकाशन, कोल्हापूर), प्रशांत केंदळ यांच्या गुलमोहराचं कुकू (चपराक प्रकाशन, पुणे ) या पुस्तकांचा समावेश आहे. लवकरच पुरस्कार वितरण समारंभपूर्वक करणार असल्याचे स्फूर्ती साहित्य संघाचे अध्यक्ष कवी प्रा. डॉ. चंद्रकांत पोतदार यांनी सांगितले आहे.
मातीला आकार देणाऱ्या कुंभाराच्या हातात केवळ मडके घडत नाही; त्या हातातून मानवी संस्कृतीचा इतिहास आकार…
अखिल महाराष्ट्र इतिहास परिषदेची घोषणा सिंधुदुर्गनगरी : गेली २६ वर्षे सातत्याने केलेल्या कातळशिल्प संशोधन कार्याची…
विशेष आर्थिक लेख भारतीय विमा नियामक व विकास प्राधिकरणाने (म्हणजे आयआरडीएआय ) देशभरातील विमा वितरण…
विश्व किती मोठे आहे, त्याची व्याप्ती किती आणि त्यातील प्रत्येक कणाची मोजदाद कशी करायची, हा…
साहित्य अकादमी विजेते पंजाबी लेखक सत्यपाल भिखी यांचे भाषांतर पंजाब पटियाला येथे प्रकाशन सोहळा अजय…
महाराष्ट्रावरील कर्जाचे वास्तव्य महाराष्ट्राच्या कर्जाचा आकडा सातत्याने वाढत असताना अर्थसंकल्पाबाहेरील कर्ज, वाढता व्याजाचा बोजा आणि…