डॉ. डी. वाय. पाटील विद्यापीठाचा WordPress सोबत ऐतिहासिक करार

मुंबईत पार पडलेल्या WordCamp Asia दरम्यान WordPress Foundation आणि DY Patil Agriculture & Technical University यांच्यात महत्त्वपूर्ण सहकार्य करार झाला असून भारतातील शिक्षण आणि ओपन सोर्स चळवळीला नवी गती मिळणार आहे.

मुंबईः येथे वर्डप्रेसच्यावतीने WordCamp Asia चे आयोजन ९ ते ११ एप्रिल दरम्यान करण्यात आले होते. या प्रतिष्ठित कार्यक्रमात एक अर्थपूर्ण क्षण अनुभवायला मिळाला. WordPress Foundation च्या वतीने मेरी हबर्ड यांनी D Y Patil Agriculture & Technical University, तळसंदे (कोल्हापूर) यांच्यासोबत सहकार्य करारावर स्वाक्षरी केली.

या वेळी विद्यापीठाचे डीन जयदीप पाटील तसेच प्राध्यापक वर्ग उपस्थित होता. हा करार WP Credits या उपक्रमाच्या वाढत्या प्रभावाचे प्रतीक मानला जात असून शिक्षण, ओपन सोर्स आणि प्रत्यक्ष योगदान यांना जोडण्याचा एक महत्त्वाचा टप्पा ठरतो.

या सहकार्यामुळे विद्यार्थ्यांना प्रत्यक्ष ओपन सोर्स प्रकल्पांमध्ये काम करण्याची संधी मिळणार आहे. ओपन सोर्स म्हणजे “सगळ्यांसाठी खुला तंत्रज्ञानाचा खजिना”, जिथे प्रत्येक जण शिकू शकतो, योगदान देऊ शकतो आणि प्रगती करू शकतो. तसेच त्यांना जागतिक पातळीवरील तांत्रिक कौशल्ये विकसित करता येणार आहेत. तसेच, शैक्षणिक संस्थांमध्ये WordPress आणि संबंधित तंत्रज्ञानाचा अधिक व्यापक वापर होण्याची शक्यता आहे.

तज्ञांच्या मते, अशा प्रकारचे करार भारतातील डिजिटल शिक्षण आणि ओपन सोर्स संस्कृतीला चालना देणारे ठरत असून भविष्यात अधिक संस्थांनी या दिशेने पुढाकार घेण्याची गरज आहे. WordCamp Asia मधील हा करार केवळ औपचारिकता नसून शिक्षण आणि तंत्रज्ञानाच्या संगमातून नव्या संधी निर्माण करणारा एक महत्त्वाचा टप्पा ठरत आहे.