Mahavir Kamble Wins First Prize in Mahatma Phule Long Poem Competition
कणकवली – महात्मा जोतीराव फुले यांच्या द्विजन्मशताब्दी निमित्त राष्ट्र सेवा दल, महाराष्ट्र आणि समाज साहित्य प्रतिष्ठान, सिंधुदुर्ग यांच्यावतीने आयोजित केलेल्या दीर्घ काव्य स्पर्धेत इचलकरंजी येथील कवी महावीर कांबळे यांच्या ‘मुक्तीची फुले’ या दीर्घ कवितेने प्रथम क्रमांकाचे पाच हजार आणि स्मृतिचिन्ह अशा स्वरूपाचे पारितोषिक प्राप्त केले असल्याची माहिती या स्पर्धेचे प्रमुख संयोजक, ज्येष्ठ कादंबरीकार तथा अखिल भारतीय साहित्य संमेलनाचे माजी अध्यक्ष लक्ष्मीकांत देशमुख,राष्ट्र सेवा दलाचे महाराष्ट्राचे अध्यक्ष राजा कांदळकर आणि समाज साहित्य प्रतिष्ठानचे अध्यक्ष मधुकर मातोंडकर यांनी दिली. या स्पर्धेचे परीक्षक म्हणून समीक्षक प्रा.संजीवनी पाटील यांनी काम पाहिले.
बारामती येथील कवयित्री अश्विनी दीक्षित यांच्या ‘फुले, तुम्ही परत या!’ या दीर्घ कवितेने द्वितीय आणि वर्धा येथील कवी राजेंद्र मुंढे यांच्या ‘मातीच्या कपाळावर उठलेला उजेड’ या कवितेने तृतीय क्रमांकाचे पारितोषिक पटकावले आहे. तर या स्पर्धेत जळगाव येथील कवी राजेंद्र पारे यांच्या ‘विद्रोहाची मशाल’, सावंतवाडी येथील कवयित्री योगिता शेटकर यांच्या ‘फुलेंशी संवाद’ आणि कासार्डे येथील कवयित्री सायली नारकर यांच्या ‘फुले विचारांची शृंखला’ या कवितांनी उत्तेजनार्थ पारितोषिके प्राप्त केली आहेत. ही पारितोषिक अनुक्रमे 3000 रुपये 2000 रुपये आणि उत्तेजनार्थ प्रत्येकी 1000 रुपये आणि स्मृतिचिन्ह अशा स्वरूपाची आहेत.
परीक्षकांनी या स्पर्धेतील प्रथम विजेत्या कवी महावीर कांबळे यांच्या ‘मुक्तीची फुले’ या कवितेच्या निवडीबद्दल म्हटले आहे की, आपण राजकीयदृष्ट्या स्वतंत्र झालो असलो तरी मानसिकदृष्ट्या पुन्हा बंदिस्त झालो आहोत. ही नवी गुलामगिरी इंग्रजांनी लादलेली नाही, तर ती आपणच आपल्यावर लादून घेतलेली आहे – ती आहे जातीयतेची, धर्मांधतेची, पंथीय अहंकाराची, बाजारू संस्कृतीची आणि सत्तेच्या हव्यासाची. या नव्या बंदिवासातून बाहेर काढण्यासाठीच कवीने ही मुक्तीची फुले रचली आहेत.
दरम्यान या सर्व पारितोषक विजेत्या कवींना 27 ते 29 नोव्हेंबरला पुण्यात होणाऱ्या फुले फेस्टिवलमध्ये अध्यक्ष व उद्घाटकांच्या हस्ते पारितोषक देऊन गौरविण्यात येणार आहे.
इस्रायलमधील त्रिशंकू जनादेशामुळे सत्तास्थापनेचा पेच निर्माण झाला आहे. बेंजामिन नेतान्याहू सत्ता टिकवणार की गादी आयझेनकोट…
वडोदरा : कविता म्हणजे केवळ शब्दांची जुळवाजुळव नव्हे, तर ती मनातील भावनांना वाट करून देणारी…
पत्रकार, लेखक व ‘इये मराठीचिये नगरी’चे संपादक; मराठी भाषा, साहित्य आणि संस्कृतीच्या संवर्धनाची जबाबदारी कोल्हापूर…
संत साहित्य, चिंतनपर ग्रंथ आणि ललित लेखनाचा गौरव; विविध गटांत सात पुस्तकांची पुरस्कारासाठी निवड पुणे…
मोठा विजय मिळविण्यासाठी नेहमीच मोठे सैन्य, अफाट साधनसंपत्ती किंवा बाह्य सामर्थ्याची गरज नसते. मनातील आत्मविश्वास,…
सेमीकंडक्टर चिप: आधुनिक जगाची अदृश्य शक्ती आजच्या डिजिटल युगात स्मार्टफोनपासून कृत्रिम बुद्धिमत्ता, इलेक्ट्रिक वाहने, वैद्यकीय…