GITEX GLOBAL 2025 : तंत्रज्ञान आणि भारतासाठी संधी

दुबई येथे दरवर्षी होणारी GITEX GLOBAL (Gulf Information Technology Exhibition) ही केवळ तंत्रज्ञान परिषद नाही, तर नवकल्पना, स्टार्टअप्स, जागतिक नेतृत्व आणि धोरणकर्त्यांना एकत्र आणणारा महोत्सव आहे. जगभरातील तज्ज्ञ, उद्योगपती, संशोधक आणि सरकारी प्रतिनिधी येथे सहभागी होतात. या मंचावर कृत्रिम बुद्धिमत्ता (AI), क्लाऊड कंप्युटिंग, बिग डेटा, IoT, ब्लॉकचेन, फिनटेक, हेल्थटेक, स्मार्ट शहरे, डिजिटल गव्हर्नन्स अशा विविध विषयांवर चर्चा, प्रात्यक्षिके, नेटवर्किंग सत्रे आणि पायलट प्रकल्प होतात. १३ ते १७ ऑक्टोंबर दरम्यान दुबई येथे होणाऱ्या या परिषदेला कोल्हापूर येथून वालस्टार टेक्नॉलॉजी चे प्रताप भगवान पाटील सहभागी होणार आहेत. यानिमित्ताने परिषदेचे महत्त्व विषद करणारा हा लेख…

भारतासाठी तांत्रिक व धोरणात्मक महत्त्व –

भारतासाठी GITEX ही परिषद अनेक स्तरांवर महत्त्वपूर्ण आहे…

• ज्ञान हस्तांतरण: तंत्रज्ञानातील सर्वोत्तम पद्धती, आर्किटेक्चर डिजाइन, स्केलेबल प्रणाल्या यांचे प्रात्यक्षिक भारतीय तंत्रज्ञ, संशोधक आणि विद्यार्थ्यांना थेट अनुभवता येते.
• स्टार्टअप्ससाठी जागतिक मंच: भारतीय स्टार्टअप्सना त्यांच्या प्रकल्पांचे प्रदर्शन करण्याची, गुंतवणूकदार व भागीदारांशी संपर्क साधण्याची संधी मिळते.
• गुंतवणूक आकर्षण: जागतिक फंड्स व एंजेल इन्वेस्टर्स भारतातील नवकल्पनांमध्ये गुंतवणूक करण्यास उत्सुक असतात.
• डिजिटल धोरण: भारत सरकार व राज्य सरकारे स्मार्ट शहर, ई-गव्हर्नन्स व AI आधारित सार्वजनिक सेवा मॉडेल्स GITEX मधून आत्मसात करू शकतात.
• निर्यात संधी: भारतीय IT सेवा, सॉफ्टवेअर आणि कन्सल्टिंग कंपन्यांना मध्य पूर्व, आफ्रिका व अन्य बाजारपेठेत प्रवेश मिळतो.
• नवीन बाजारपेठा आणि ग्राहक : जगभरातून व्यवसाय, गुंतवणूकदार, सरकारी अधिकारी येतात. व्यवसायांना नवीन क्लायंट्स, ग्राहक, कंपनीसाठी बाजारपेठा मिळू शकतात.
• गुंतवणूक आणि भागीदारीची संधी : स्टार्टअप्सना गुंतवणूकदारांचा सामना करता येतो; मोठ्या कंपन्यांसोबत सहकार्य करता येते.
• नेटवर्किंग : उद्योगातील तज्ञ, विचारवंत, सी-लेव्हल अधिकारी इत्यादी व्यक्तींशी संपर्क होऊ शकतो. नवीन सहकार्य, जोडीदार शोधता
• शासन उपक्रम: “डिजिटल महाराष्ट्र” किंवा “स्मार्ट शहर योजना” या कार्यक्रमांना डिजिटल द्विन्स, AI/ML, IoT व रिमोट सेन्सिंग आधारित उपाय वापरून अधिक प्रभावी करता येईल.
• शिक्षण व संशोधनः विद्यापीठे व अभियांत्रिकी महाविद्यालये GITEX मधील नवीन तंत्रज्ञानांचा अभ्यास करून विद्यार्थ्यांना अत्याधुनिक प्रकल्पांमध्ये सहभागी करू शकतात.
• SMEs व कृषितंत्रज्ञान: लघुउद्योग ERP, ऑटोमेशन आणि क्लाऊड तंत्रज्ञान वापरून उत्पादनक्षमता वाढवू शकतात. शेतीसाठी स्मार्ट पंप, सेन्सर-आधारित सिंचन, ड्रोन तंत्रज्ञान यांचा प्रसार करता येईल.
• ग्रामीण सेवा: टेलिमेडिसिन, डिजिटल शिक्षण, फिनटेक यासारख्या सेवा ग्रामीण भागात जलद पसरू शकतात.
• युवा व रोजगारः डेटा सायन्स, AI, IoT, सायबरसुरक्षा यांसाठी खास प्रशिक्षण केंद्रे उभारून ग्रामीण भागातील युवकांना रोजगार संधी देता येतील.
  तांत्रिक उपाय आणि अंमलबजावणी
• पाणी व्यवस्थापनः सेन्सर, रिमोट सेन्सिंग, AI आधारित पूर्वसूचना आणि पुनर्वापर तंत्रज्ञान वापरून शाश्वत जलव्यवस्था उभारता येईल.
• स्मार्ट शहरे वाहतूक नियोजन, ऊर्जा बचत, ई-गव्हर्नन्स सेवा यासाठी स्मार्ट उपाय वापरता येतील.
• क्लाऊड व AI: डेटा विश्लेषण व निर्णय प्रक्रियेसाठी क्लाऊड, IoT आणि डिजिटल द्विन्सचे मॉडेल्स उपयुक्त ठरतील.

आव्हाने –

उच्च प्रारंभिक खर्च – स्टार्टअप्सना सुरुवातीस मोठ्या गुंतवणुकीची आवश्यकता असते.
प्रोटोटाइप व सादरीकरणाची गुणवत्ता – उत्कृष्ट प्रोटोटाइप, UI/UX डिझाइन, इंग्रजी संवादकौशल्य आणि प्रस्तुती क्षमता महत्त्वपूर्ण आहेत.
सरकारी परवाने व नियामक चौकटी – तंत्रज्ञानाच्या वापरासाठी आवश्यक सरकारी परवाने, डेटा सुरक्षा नियम आणि नियामक अटींचे पालन करणे गरजेचे आहे.
स्थानिक सुसंगतता व टिकाव – उत्पादन किंवा सेवेमध्ये स्थानिक गरजा, संस्कृती व टिकाव यांचा विचार करणे आवश्यक आहे.
प्रोफेशनल पॅकेजिंग व प्रस्तुती – गुंतवणूकदार आणि ग्राहकांसाठी आकर्षक, नीटनेटके आणि व्यावसायिक पद्धतीने सादर केलेले पॅकेजिंग आवश्यक आहे.

GITEX GLOBAL ही फक्त तंत्रज्ञान परिषद नाही, तर एक “दिशादर्शक प्रयोगशाळा” आहे. भारत, महाराष्ट्र, कोल्हापूर आणि ग्रामीण भागासाठी ती सुवर्णसंधी आहे. योग्य तयारी, धोरणात्मक नियोजन आणि स्थानिक अंमलबजावणीद्वारे या संधींचा अधिकाधिक लाभ घेता येऊ शकतो.