Sandeep Jagtap Poem on heavy rains in Summer
त्यांनी
एक कवी संमेलन भरवलय
अन् मला कविता वाचायला बोलवत आहे
आयोजकांना माहित नाही
इथं माझ्या कवितेची हिरवी ओळ
अवकाळीत सडत पडलीय..
बागेवर डाऊनी, करपा
द्राक्षाचा येणारा हंगाम पाण्यात
वावराचं कुरण झालंय
पेरणीला वाफसा लय लांबची गोष्ट
इथं मशागतीलाच पाऊस सवड देईना..
मळ्यातल्याच शंकर आप्पाची
नवी खोदलेली विहिर वळवात
दरडी सारखी कोसळली..
त्यांचे काढणीला आलेले कांदे
वावरातच सडले..
वारकरी आप्पाच्या डोळ्यात
पहिल्यांदाच पाणी पाहिलं ..
स्वतःच्या.. शेजारच्या ... पाहुण्या रावळ्यांच्या
कोणत्याही गावाला फोन करून खबर घेतली
तर उन्हाळ्यात सुरू झालेल्या पावसाळ्याने
सोलपटून काढल्याचाच विव्हळ येतो..
अन् ते मला कविता म्हणायला बोलावताय
त्यांना वेळप्रसंगी
कवीने घातलेला कुर्ता ,कोट
या सोबत
त्याच्या काळजावरच्या
जखमा सुद्धा दिसायला हव्यात..
- संदीप जगताप,
चिंचखेड ता. दिंडोरी, जि. नाशिक
संपर्क - 7218625960
राज्यात पावसाचा खंड लांबल्याने सोयाबीन आणि कापूस पिकांवर पाण्याचा ताण वाढला आहे. अनेक ठिकाणी पिकांची…
अंतर्मानाची कवाडे आणि क्षमेचा सुवास माणसाने चंद्रावर पाऊल ठेवले, जग एका क्लिकवर आणले; पण स्वतःच्या…
० दुसरे राज्यस्तरीय कवी संमेलन उत्साहात;४५ कवींचा सहभाग,० वर्ध्यात शब्दांचा रंगमंच सजला;‘प्रबोधिनी कविरत्न पुरस्कार–२०२६’ ०…
सिंधुदुर्गनगरी: सिंधुदुर्गातील निसर्गसंपदा आणि साहित्यिक वारसा आनंददायी आणि प्रेरणादायी असुन त्यामुळे आपण भारावून गेल्याची भावना…
खाकी वर्दी दिसली की डोळ्यांसमोर उभा राहतो तो कर्तव्यकठोर पोलीस; पण त्या वर्दीच्या आत धडधडणारे…
अन्न उद्योगातील हरित क्रांती: प्लास्टिकमुक्त पॅकेजिंगसाठी 'बायो-फिल्म्स' आणि 'स्मार्ट इंडिकेटर्स'चा वापर अन्न ताजे आहे की…