Shivaji Satpute Poem Tumacha Aamach
तुमचं आमचं आता पटायचं न्हाय
दचकुन झोपेतुन उठायचं न्हाय
लबाड तुमचं थोबाड
मारत असते बाता ,
त्याच त्याच उखळात
तोच तोच बत्ता
कोळशानं गिरवता
तुमचाच कित्ता ,
धर्म बांधुन वेशीला
भोगुन घेता सत्ता
खादीघालून तुम्ही नटायचं न्हाय
तुमचं आमचं आता पटायचं न्हाय
दरिद्री नेते
कुबेराचे बाप झाले,
आपआपल्या बिळात
विखारी साप झाले
माणुसकीचा कळवळा
पुरे झाला देखावा,
आम्ही सुध्दा करु आता
गनिमी कावा
अंधारल्या राती भेटायचं न्हाय
तुमचं आमचं आता पटायचं न्हाय
आम्ही असे कलंदर
नका समजु साधे ,
पोटासाठी आम्ही
करीत नसतो वादे
धारदार लेखणीवर
खुर्ची आम्ही फिरवु ,
मस्तीची नशा
झटक्यात जिरवु
आमच्यावर तुम्ही पेटायचं न्हाय
तुमचं आमचं आता पटायचं न्हाय
काळ्या काळ्या मातीचे
आम्ही आहोत मालक,
पोटाच्या भट्टीचे
आम्ही आहोत चालक
आमच्याच घामाचं
तेज तुमच्या चेहर्‍यावर,
आम्ही नाही पेरलं तर
जाल तुम्ही वार्‍यावर
शेजेवर बांडगुळ रेटायचं न्हाय
तुमचं आंमचं आता पटायचं न्हाय
शेतकरी देव आमचा
करु त्याची पुजा,
पालखित मिरवुन
वाजवु आम्ही बाजा !
धुळ त्याच्या पायाची
मस्तकी लावु ,
चारवेळा आरती आम्ही
शेतकर्‍याची गावु
शेतकर्‍याला तुम्ही खेटायचं न्हाय
तुमचं आमचं आता पटायचं न्हाय
दचकुन झोपेतुन उठायचं न्हाय
कवी – शिवाजी सातपुते ९०७५७०२७८९
रोहित पवारांच्या तोंडात सोन्याचा चमचा होता की नाही, यापेक्षा ते आज विद्यार्थ्यांच्या प्रश्नांसाठी उभे आहेत…
न्यायाच्या आसनावर बसणे म्हणजे केवळ अधिकार गाजवणे नव्हे, तर सत्य-असत्याचा विवेकपूर्ण निवाडा करताना न्यायनिष्ठेचा दीप…
ओळख: वेगळी वाट चोखाळणाऱ्या नवदुर्गांची..!..१ व्हीलचेअरवरील प्रवासाला सामाजिक परिवर्तनाची दिशा देत, अपंगत्वाला मर्यादा न मानता…
भारतीय लोकशाहीची विश्वासार्हता केवळ मतदानाच्या दिवशी किती मतदान झाले यावर ठरत नाही; त्यापूर्वी तयार झालेली…
डॉ. लक्ष्मीनारायण बोल्ली स्मृती साहित्य सोहळा सोलापूर - आज भाषांच्या माध्यमातून समाजात तेढ निर्माण होत…
जगाच्या इतिहासात अशी किती नावे आहेत, ज्यांच्यासाठी दुसऱ्या देशाने आपला राष्ट्रध्वज अर्ध्यावर उतरवला असेल? ज्यांच्या…