Shradha Aahe Poem by Ajay Chavan
अंधश्रद्धा नाही । श्रद्धा आहे देवा ।
जननीची सेवा । तुझी वाटे ।।
काय करू तुज । धोंड्यात पाहून ।
आसवे वाहून । त्याच्यापुढे? ।।
दुःख तर माझे । तिने केले नष्ट ।
करुनिया कष्ट । नित्यनेमे ।।
आईच्या पदरी । मायेची सावली ।
बाळास पावली । हाक देता ।।
दुःख काय आहे । त्यांना नाही ज्ञात ।
ज्यांच्या हृदयात । आहे आई ।।
दिलेच नसते । जन्म जर तिने ।
शक्य मज जिणे । नसतेच ।।
हसत राहतो । नित्य हसवतो ।
आईस जाणतो । दयासिंधु ।।
नको धनद्रव्य । तिच्या पूजेसाठी ।
आधाराची काठी । नित्य बनू ।।
अजुचे अभंग । जपे आईनाम ।
माझे नित्य काम । आईनमें ।।
कवी -अजय रमेश चव्हाण, तरनोळी
ता.दारव्हा, जि.यवतमाळ
मो.८८०५८३६२०७
जागतिकीकरणाच्या वेगवान प्रवाहात बदलत जाणारे आर्थिक आणि भू-राजकीय समीकरण, पारंपरिक जागतिक वित्तीय संस्थांच्या वर्चस्वाला उभे…
दैविकी उदार वाणीने प्रज्वलणारे नवरसांचे दीप ज्ञानेश्वरीतील माउलींची प्रत्येक ओवी साधकाच्या अंतःकरणाला स्पर्श करून जीवनाकडे…
आधुनिक समाजातील दिखाऊपणा, अहंकार, भेदाभेद आणि विवेकाचा ऱ्हास यावर तुकाराम महाराजांच्या विचारांची मूल्यवान चिकित्सा करणारा…
कुपोषण ही केवळ अन्नाच्या अभावाची समस्या नसून ती आरोग्य, शिक्षण, स्वच्छता, आर्थिक परिस्थिती आणि सामाजिक…
बाजरी, ज्वारी, नाचणी, मका आणि कडधान्ये केवळ कच्चा शेतमाल न राहता त्यापासून पौष्टिक स्नॅक्स, पफ्स,…
कणकवली- समाज साहित्य प्रतिष्ठान - सिंधुदुर्ग आणि मिळून साऱ्याजणी परिवार - कणकवली यांच्यावतीने कवयित्री मनीषा…