SIAC च्या CET-2026-27 प्रवेश परीक्षेसाठी अर्जाची मुदत वाढवली १० जुलैपर्यंत

२ ऑगस्ट रोजी ऑफलाइन होणार सामायिक प्रवेश परीक्षा

मुंबई : राज्य प्रशासकीय व्यवसाय शिक्षण संस्था (SIAC), मुंबई यांनी शैक्षणिक वर्ष २०२६-२७ साठी आयोजित करण्यात येणाऱ्या सामायिक प्रवेश परीक्षा (CET-2026-27) साठी ऑनलाइन अर्ज सादर करण्याची अंतिम मुदत वाढविण्याचा निर्णय घेतला आहे. पूर्वी ३० जुनपर्यंत असलेली अर्ज प्रक्रिया आता १० जुलै २०२६ पर्यंत सुरू राहणार असल्याची माहिती राज्य प्रशासकीय व्यवसाय शिक्षण संस्थेच्या संचालक डॉ. भावना पाटोळे यांनी दिली आहे.

उच्च व तंत्र शिक्षण विभागांतर्गत कार्यरत असलेल्या SIAC मार्फत राज्यातील विद्यार्थ्यांना स्पर्धा परीक्षांची दर्जेदार तयारी करून देण्यासाठी ही प्रवेश प्रक्रिया राबविण्यात येते. महाराष्ट्र शासनाच्या धोरणानुसार आणि गुणवत्तेच्या आधारे विद्यार्थ्यांची निवड करण्यात येणार आहे.

नव्या तारखा अशा –
ऑनलाइन अर्जाची वाढीव अंतिम मुदत : १० जुलै २०२६
परीक्षा शुल्क भरण्याची अंतिम मुदत ः १२ जुलै २०२६
प्रवेश परीक्षा : २ ऑगस्ट २०२६ (ऑफलाइन)

प्रवेश परीक्षा व मुलाखतीतील गुणांच्या आधारे गुणवत्तायादी तयार करण्यात येणार असून, प्रवेशासंदर्भातील सर्व अद्ययावत सूचना SIAC च्या अधिकृत संकेतस्थळावर प्रसिद्ध केल्या जाणार आहेत.

प्रवेशासाठी आवश्यक पात्रता, कागदपत्रे व इतर माहिती www.siac.org.in या संकेतस्थळावर उपलब्ध असून, इच्छुक विद्यार्थ्यांनी वाढीव मुदतीचा लाभ घेऊन वेळेत अर्ज सादर करण्याचे आवाहन SIAC प्रशासनाने केले आहे.