आठवडाभर गायब झालेली थंडी महाराष्ट्रात थंडीच्या लाटेसह अवतरणार

आपल्याही मनात हवामानाविषयी काही शंका असतील. पाऊस, पाणी व शेती संबंधी प्रश्न असतील तर जरूर कमेंटमध्ये लिहा. त्यात आपले नाव व नंबर लिहायला विसरू नका. आपल्या प्रश्नांची अभ्यासपूर्ण उत्तरे देऊ.

माणिकराव खुळे,
जेष्ठ सेवानिवृत्त हवामान तज्ञ, भारतीय हवामान खाते पुणे.
९४२३२१७४९५, ९४२२०५९०६२.

शनिवार ते शनिवार, (दि. २२ ते २९ नोव्हेंबर दरम्यान) आठवडाभर गायब झालेली थंडी रविवारपासून पुन्हा सुरवात झाली असुन काही शहरांत थंडीची लाट अनुभवली जात आहे.
     
येथे असेल थंडीची लाट 👇
   
नाशिक- ९.९(-४.८), अहिल्यानगर- ९.५ (-४.७),  जेऊर ८(-४.६),
               
थंडीच्या लाटे सदृश्य स्थिती 👇
       
 पुणे ९.८(-४.१), मुंबई सांताक्रूझ १५.७(-४.४), रत्नागिरी १६.६(-४.३) छत्रपती संभाजी नगर १०.२(-४.१), अमरावती १०.७(-५.७), वाशिम ११.४(-५.८).   
               
थंडी आठवडाभर टिकणार –

उत्तर भारतातून येणारे ईशान्यई वारे महाराष्ट्रात पूर्वीय होत असून हवेचा दाब ही पूर्ववत म्हणजे १०१४ हेक्टपास्कल होत आहे. त्यामुळे आठवडाभर म्हणजे रविवार ७ डिसेंबर ( संकष्ट चतुर्थी)पर्यन्त महाराष्ट्रात थंडी टिकून राहण्याची शक्यता जाणवते.

चक्रीवादळाचा परिणाम महाराष्ट्रावर नाही. ‘ डिट-वाह ‘ चक्रीवादळ आज रात्री विरळतेकडे झुकत असुन महाराष्ट्रावर त्याचा विशेष परिणाम जाणवणार नाही, असे दिसते.