Half Ticket Poem By Nitin Chandanshive
हसत हसत सिलेंडर म्हणाला
जा फिरून ये आता मस्त
तुझा प्रवास झाला स्वस्त
पण तरीही अस्वस्थ
सिलेंडरच्या किंमतीने
ती बिचारी वाकून गेली
महागाईच्या बाजारात
तिची स्वप्नं झाकून गेली
तिकीट अर्धी झाल्यापासून
मनात माहेर दाटलेलं
किती दिवस झालं
आई बाबांना भेटलेलं
तरीही ती किचनमध्ये दमलेली
स्वयंपाकात रमलेली
सगळ्या डाळी हसत होत्या
वाढलेल्या किंमती सांगत होत्या
मुलांची फी मानगुटीवर बसलेली
साखर कायम रुसलेली
तेलाने तर तिचा घाम काढला होता
शेवटचा पुडा आजच फोडला होता
पगाराच्या आकड्यासोबत
तिचा प्रवास सुरूच आहे
तिचं फिरणं स्वस्त झालं
म्हणून काय झालं..?
तिचं जगणं अजूनही महागच आहे.
पांढऱ्या बगळ्यांचं राजकारण
अजून तिला कळलं नाही
आणि समानतेचं तिकीट
तिला अजून मिळलं नाही
कवी – दंगलकार नितीन चंदनशिवे,
मु.पो.कवठेमहांकाळ, जि.सांगली
संपर्क 7020909521
अवकाळी पाऊस, हवामान बदल, वाढता उत्पादनखर्च आणि बाजारातील अस्थिरता यामुळे शेती अभूतपूर्व संकटात सापडली आहे.…
मुंबई कॉलिंग राज्य विधिमंडळाचे पावसाळी अधिवेशन म्हणजे सरकारच्या कामकाजाचा हिशेब मागण्याची आणि जनतेच्या प्रश्नांना वाचा…
वाचनकट्टा प्रगल्भ वाचक स्पर्धेतील विजेत्या विद्यार्थ्यांचा उत्साहात गौरव छत्रपती शिवाजी महाराज आणि राजर्षी शाहू महाराज…
हजारो रुपयांचा नैवेद्य अर्पण करणारा भक्त आणि प्रेमाने एक तुळशीपत्र वाहणारा भक्त—भगवंताच्या दृष्टीने यांपैकी मोठा…
विशेष आर्थिक लेख रिझर्व्ह बँक ऑफ इंडिया ने नुकताच देशातील आर्थिक सद्यस्थितीचा अहवाल प्रसिद्ध केला.…
स्नेहलता मारुती पाटील सन्मानार्थ पुरोगामी सामाजिक, सांस्कृतिक फाऊंडेशन द्वारा आयोजित २रे स्त्रीवादी साहित्य संमेलन यामध्ये…