स्मृतीशेष चमेली-भाऊराव हिंगोणेकर प्रतिष्ठानतर्फे पुरस्कारासाठी पुस्तके पाठविण्याचे आवाहन

जळगाव : स्मृतीशेष चमेली-भाऊराव हिंगोणेकर प्रतिष्ठान, जळगाव तर्फे यंदा मराठी भाषेतील साहित्यकृतींसाठी चार वेगवेगळ्या पुरस्कारांची घोषणा करण्यात आली आहे. या पुरस्कारांत कविता, कादंबरी आणि बालसाहित्य प्रकारांचा समावेश असून, साहित्यिकांनी आपल्या कलाकृती पाठवाव्यात असे आवाहन संयोजक शशिकांत हिंगोणेकर व उषा हिंगोणेकर यांनी केले आहे.

कविता आणि कादंबरीसाठी स्मृतीशेष चमेली-भाऊराव हिंगोणेकर पुरस्कार तर काव्य संग्रहासाठी स्मृतीशेष संजय हिंगोणेकर प्रथम काव्य पुरस्कार व बालसाहित्यासाठी स्मृतीशेष नामदेव सपकाळे बालसाहित्य पुरस्कार देण्यात येणार आहे. प्रत्येक पुरस्काराचे स्वरूप रु. ३०००/- रोख, स्मृतीचिन्ह आणि प्रमाणपत्र असे आहे. १ जानेवारी २०२५ ते ३१ डिसेंबर २०२५ या कालावधीत प्रकाशित झालेल्या साहित्यकृतींचा या पुरस्कारासाठी विचार केला जाणार आहे. तरी १० जानेवारी २०२६ पर्यंत दोन प्रतीत, लेखकाचा फोटो व परिचयासह पाठवणे आवश्यक आहे.

साहित्यकृती पाठविण्याचा पत्ता–
शशिकांत हिंगोणेकर,
निर्मला रेसिडंसी, फ्लॅट नं. १,
भिकमचंद जैन नगर, पिंप्राळा रोड,
जळगाव – ४२५००१
मो. ७२१८७९२१८६