अद्याक्षरावरून आषाढी एकादशी कविता

अद्याक्षरावरून आषाढी एकादशी कविता

आषाढी एकादशी

आ…………आई-वडिलांची सेवा करी
विठ्ठल भेटीला येई त्वरि
अशी पुंडलिकाची
कीर्ती जगभरी

षा………. षाडोपचारे न करिता पुजा ही
करीत असता काम
नुसते घेता विठ्ठलाचे नाम
तो पावतो तेव्हा ही

ढी……… ढिगाने वाटता
प्रसाद दिंडीमध्ये
तो स्वतः सामावतो
त्या भक्तांमध्ये

ए…….. एक असा आगळा वेगळा
विठ्ठल माझा……..
नसे त्याच्या अंतरी
भेदभाव दुजा…….
साऱ्या जगाचा तो राजा

का………. काय सांगू अशी आगळी वेगळी
त्याची कीर्ती….
साऱ्या जगतामध्ये
त्याचीच की महती

द……….. दगदगीच्या जीवनामध्ये ही आज
होते पायी वारी विठ्ठलाची
अशी दृढ निष्ठा आहे
आम्हा भक्तांची…

शी……… शीतल अशी छाया मिळते
मायेची ती उब कळते
जेव्हा त्याच्या चरणी
मी नतमस्तक होते

सौ निर्मला कुंभार