Shivaji Satpute Poem Adhaksha Mahoday
काय कमावलं काय गमावलं ?
अध्यक्ष महोदय, मुद्याचं बोला
राजकारणातल्या धंद्याचं बोला
उद्योग सारे पळवले
सुरतने महाराष्ट्र लुटला
कोण नोंदवणार एफआयआर
कोण चालवणार खटला
किती देणार झोल्यावर झोला
अध्यक्ष महोदय, मुद्याचं बोला
राजकारणातल्या धंद्याचं बोला
सरकारी लाडक्या बहिणीचा
कच्चा आहे धागा
बेरोजगार सावत्र भावाला
स्मशानी दिली जागा
अग्नीवीर भैय्याचा किती केला गलबला
अध्यक्ष महोदय, मुद्याचं बोला
राजकारणातल्या धंद्याचं बोला
न फुटणारेही खोक्यावर उद्ध्वस्त केले
संत्र्याच्या झाडाला, कलम ऊसाचे केले
तुळशीवृंदावनात रोप गांज्याचे पोसले
राम येऊनही दूध अयोध्येत नासले
महाराष्ट्राचा सुपुत्र चेला गुजराती झाला
अध्यक्ष महोदय, मुद्याचं बोला
राजकारणातल्या धंद्याचं बोला
इतिहासाच्या दाखल्यावरुन
गांधी नेहरु हटले नाहीत
संसद गळकी, मंदिर गळके
तिथे का नेहरु भेटले नाहीत
बुद्धिवंत चाणक्य अक्कलशून्य झाला
अध्यक्ष महोदय मुद्याचं बोला
राजकारणातल्या धंद्याचं बोला
वार्याने पुतळा पाडला
एकाची साक्ष आहे
तिघांनी तिजोरी फोडली
जनतेचा कपाळमोक्ष आहे
काय कमावलं काय गमावल
हिशोबाचा कडेलोट झाला
अध्यक्ष महोदय मुद्याचं बोला
राजकारणातल्या धंद्याचं बोला
शिवाजी सातपुते 9075702789
पावसाळ्यात वातावरणातील गारवा, सततचा ओलावा आणि बदलते हवामान यामुळे पचनशक्ती मंदावते आणि शरीराची प्रतिकारक्षमताही प्रभावित…
धान्यापासून उद्योगाकडे : एक्सट्रुजन तंत्रज्ञानातून ग्रामीण उद्योजकतेला नवी दिशा बाजरी, ज्वारी, नाचणी, मका आणि तांदूळ…
सत्यपाल भिकी यांनी केले भाषांतर; हिंदी अनुवादानंतर पंजाबी आवृत्ती मुंबई ः डॉ. बाबासाहेब आंबेडकर यांच्या…
जागतिकीकरणाच्या वेगवान प्रवाहात बदलत जाणारे आर्थिक आणि भू-राजकीय समीकरण, पारंपरिक जागतिक वित्तीय संस्थांच्या वर्चस्वाला उभे…
दैविकी उदार वाणीने प्रज्वलणारे नवरसांचे दीप ज्ञानेश्वरीतील माउलींची प्रत्येक ओवी साधकाच्या अंतःकरणाला स्पर्श करून जीवनाकडे…