Shivaji Satpute Poem on Agro Market
टमाट्याचा झाला चिखल
वांग बसलं रुसुन.
दाळींबाला गेले तडे
खुदकन हसुन
फ्लावर आणि कोबीला
तोलत नाही काटा.
रुपायात कोथिंबीर
करु लागली टाटा
माॅलमध्ये दाळदाणा
घेतो आहे झोका.
फिरत आहे उघडीच
गोरीपान मका
गवार आणि चवळी
रडू रडून नांदली.
कवाळ लिंबु मिरची
दारावावर बांधली
मटार फिरे गर गर
काकडीच्या मागे
भोपळा आणि दोडका
झाले झोपेतून जागे
पुंगी वाजवी गाजर
मिरची झाली लाल.
शेडमधुन शिमला आली
केले बटाट्याचे हाल
संत्री झाले मंत्री
कांदा लागला रडु.
गोड गोड साखर
कारल्यावाणी कडु
मेथीचाही सुकला चेहरा
भोंड आली भेंडीला.
राहिली नाही किंमत
नारळाच्या शेंडीला
द्राक्षाला चढली झिंग
औषधाचे डोस घेवून.
वायनरीची उतरली
देशीची रांग पाहुन
चुका काढून लसणाच्या
पलक घाली घोळ.
दलालाने लुटली शेती
सरकार मागे टोळ
कॅशलेस मशिन पाहुन
रडु लागल्या नोटा.
ज्वारीच्या अंगावर
फुटु लागला काटा
रुपायाच्या मंदित
रुतुन बसलं घोडं.
चुकलेल्या हिशोबाचं
सोडवा तुम्ही कोडं
कवी – शिवाजी सातपुते, मंगळवेढा
९०७५७०२७८९ / ९८६०६२४७३२
परिस्थिती प्रतिकूल असली की माणूस खचतो की घडतो, हे त्याच्या तडजोडीच्या वृत्तीवर आणि संघर्ष करण्याच्या…
विशेष आर्थिक लेख. देशातील उद्योग समूहांमध्ये टाटांचे नाव अग्रस्थानी आहे.या समूहाची प्रमुख कंपनी टाटा सन्स…
शाळेच्या ताटात वाढलेला घास हा केवळ दुपारचे जेवण नसतो; तो देशाच्या भावी पिढीच्या आरोग्याचा आणि…
नवी दिल्ली - ललित कला अकादमी अर्थात राष्ट्रीय कला अकादमीतर्फे 65 व्या राष्ट्रीय कला प्रदर्शनाचे…
'आम्ही साहित्यप्रेमी'च्या कार्यक्रमात प्रतिपादन सिंधुदुर्गनगरी: अभिनय जिवंत आणि नैसर्गिक असावा लागतो, तो कृत्रिम असून चालत…
भारताच्या ग्रामीण अर्थव्यवस्थेचा चेहरामोहरा बदलणारी क्रांती बंद कारखान्यांच्या भिंतीआड नव्हे, तर गावागावातील दूध संकलन केंद्रांपासून…