May 23, 2024
Shivaji Satpute Poem on Agro Market
कविता

बिघडलेला बाजार

बिघडलेला बाजार

टमाट्याचा झाला चिखल
वांग बसलं रुसुन.
दाळींबाला गेले तडे
खुदकन हसुन

फ्लावर आणि कोबीला
तोलत नाही काटा.
रुपायात कोथिंबीर
करु लागली टाटा

माॅलमध्ये दाळदाणा
घेतो आहे झोका.
फिरत आहे उघडीच
गोरीपान मका

गवार आणि चवळी
रडू रडून नांदली.
कवाळ लिंबु मिरची
दारावावर बांधली

मटार फिरे गर गर
काकडीच्या मागे
भोपळा आणि दोडका
झाले झोपेतून जागे

पुंगी वाजवी गाजर
मिरची झाली लाल.
शेडमधुन शिमला आली
केले बटाट्याचे हाल

संत्री झाले मंत्री
कांदा लागला रडु.
गोड गोड साखर
कारल्यावाणी कडु

मेथीचाही सुकला चेहरा
भोंड आली भेंडीला.
राहिली नाही किंमत
नारळाच्या शेंडीला

द्राक्षाला चढली झिंग
औषधाचे डोस घेवून.
वायनरीची उतरली
देशीची रांग पाहुन

चुका काढून लसणाच्या
पलक घाली घोळ.
दलालाने लुटली शेती
सरकार मागे टोळ

कॅशलेस मशिन पाहुन
रडु लागल्या नोटा.
ज्वारीच्या अंगावर
फुटु लागला काटा

रुपायाच्या मंदित
रुतुन बसलं घोडं.
चुकलेल्या हिशोबाचं
सोडवा तुम्ही कोडं

कवी – शिवाजी सातपुते, मंगळवेढा
९०७५७०२७८९ / ९८६०६२४७३२

Related posts

गुरू-शिष्याचे ऐक्य

तिकीट देता का तिकीट –

थंडीत कोंबड्यांचा करा असा सांभाळ

Leave a Comment

श्री अथर्व प्रकाशनचे इये मराठीचिये नगरी हे मिडिया व्यासपिठ आहे. अध्यात्म, शेती, पर्यावरण, ग्रामीण विकास यासह आता पर्यटन, राजकारण, समाजकारण, नवं संशोधन, साहित्य, मनोरंजन, आरोग्य आदी विषयांना वाहून घेतलेले हे न्युज पोर्टल आहे. संपर्कः श्री अथर्व प्रकाशन, 157, साळोखेनगर, कळंबा रोड, कोल्हापूर 416007 मोबाईलः 9011087406 WhatsApp - 8999732685, 9011087406