Weather Updates : मशागत व पेरीसाठी उघडीप सापडणार

आपल्याही मनात हवामानाविषयी काही शंका असतील. पाऊस, पाणी व शेती संबंधी प्रश्न असतील तर जरूर कमेंटमध्ये लिहा. त्यात आपले नाव व नंबर लिहायला विसरू नका. आपल्या प्रश्नांची अभ्यासपूर्ण उत्तरे देऊ.

माणिकराव खुळे,
जेष्ठ सेवानिवृत्त हवामान तज्ञ, भारतीय हवामान खाते पुणे.
९४२३२१७४९५, ९४२२०५९०६२.

               १- जोर ओसरणार –

गुरुवार ( दि. २९ मे ) ते मंगळवार ( दि.३ जून ) दरम्यानच्या पाच ते सहा दिवसात मुंबईसह संपूर्ण कोकण वगळता उर्वरित महाष्ट्रातील २९ जिल्ह्यात पूर्णतः नसला तरी पावसाचा जोर हळूहळू काहीसा ओसरू लागेल, असे वाटते.  मुंबईसह संपूर्ण कोकणात पावसाचा जोर सोमवार ( दि. २ जून) पर्यंत कायम जाणवतो.

              २- पावसाचा खण्ड नव्हे पण उघडीप मिळणार-

                    शुक्रवार दि. ३० मे ते १० जून ते मंगळवार दि. १० जून दरम्यानच्या १०-१२ दिवसात मुंबईसह संपूर्ण कोकण वगळता उर्वरित महाष्ट्रातील २९ जिल्ह्यात, मान्सूनच्या त्याच्या पुढील वाटचालीला बाधा न येता, ज्या ठिकाणी भरपूर पाऊस झाला त्याठिकाणी, वाफस्यावर पेर-पूर्व मशागत, व खरीप पेरणीसाठी पावसाची काहीशी उघडीप मिळून, शेतकामासाठी सापड मिळू शकते, असे वाटते.

              ३-मान्सून ची सध्य:स्थिती-

                दोन दिवसापूर्वी पुण्या-मुंबईत पोहोचलेला मान्सून, सध्या त्याच्या वाटचालीत वातावरण अनुकूल असल्यामुळे तो नगर, बीड, धाराशिव, लातूर, नांदेड, हिंगोली, परभणी जिल्ह्यात तर विदर्भातील चंद्रपूर व गडचिरोली जिल्ह्याच्या दक्षिण भागापर्यंत पोहोचला आहे.
              पालघर, नाशिक, खान्देश, छत्रपती संभाजीनगर, बुलढाणा, अकोला, अमरावती, वर्धा, नागपूर, भंडारा, गोंदिया ह्या जिल्ह्याकडे त्याने अजुन झेप घेतलेली नाही.