“Kuni Ticket Deta Ka Re Ticket?” | Political Satire Poem Inspired by Kusumagraj
थोर कवी कुसुमाग्रज यांच्या “कुणी, घर देता का रे घर ?” या काव्याचे विडंबन पुढे सादर करीत आहे. अर्थातच कवी कुसुमाग्रज यांची क्षमा मागून.
एक उमेदवार भिंती वाचून
छपरावाचून
माणसाच्या मायेवाचून
देवाच्या दयेपासून
गल्लोगल्ली फिरत आहे
जिथून कुणी उठवणार नाही
अशी जागा धुंडत आहे
कुणी, तिकीट देता का रे तिकीट ?
काय रे बाळा
खरंच सांगतो बाबांनो
उमेदवार आता थकून गेलाय
इकडे तिकडे जमेल तसे
नोकरी,धंदे करून
अर्ध अधिक तुटून गेलाय
मिनतवार्‍या करून
हातापाया पडून
घरच्यांची बोलणी खाऊन
मित्रांची मस्करी सहन करून
झुंज देऊन देऊन
उमेदवार आता थकून गेलाय
उमेदवाराला आता
झटपट श्रीमंत व्हायचं आहे
म्हणुन
कुणी, तिकीट देता का रे तिकीट ?
खुरडत खुरडत चालत आहे
खरं सांगतो बाबांनो
उमेदवाराला न मिळणारी
उमेदवारीच नडतेय
हे बाबा ,कुणी तिकीट देता का रे तिकीट ?
उमेदवाराला महाल हवा
राजवाड्याचा सेट हवा
पदवी हवी,हार हवा
थैली मधली भेट हवी
हवा एक मोठा व्हिला
पंख मिटून पडण्यासाठी
हवी एक
सोन्याची आरामखुर्ची
उमेदवाराला बसण्यासाठी
एक मर्सिडीज हवी
पुढच्या दारात
सरकारांना फिरण्यासाठी
कुणी तिकीट देता का रे तिकीट ?
रचना: देवेंद्र भुजबळ, 9869484800
ज्या परमेश्वराचे स्वरूप वेदांनी जाणून घेण्याचा प्रयत्न केला, तोच परमात्मा श्रीकृष्ण भगवद्गीतेचा वक्ता आहे. त्यामुळे…
दिवाळी म्हटले की डोळ्यांसमोर येतात पणत्यांची रोषणाई, आकाशकंदील आणि फटाक्यांची आतषबाजी! पण जंगलात दिवाळी साजरी…
दगडांमध्ये कोरलेला इतिहास, स्थापत्यकलेचा अद्भुत आविष्कार आणि चोल व मराठा संस्कृतीचा अनोखा संगम म्हणजे तंजावरचे…
महाराष्ट्रातील ट्रेकिंगवरील पहिला दिवाळी अंक; २५ दर्जेदार लेखांनी सजलेला ‘दुर्गांच्या देशातून…’चा प्रदक्षिणा विशेषांक सह्याद्रीच्या डोंगररांगा,…
रामलीला मैदानावर विरोधकांनी पुन्हा एकदा एकजुटीचे शक्तिप्रदर्शन केले. ‘व्होट चोरी’ आणि निवडणूक आयोगाच्या कारभारावर प्रश्नचिन्ह…
फुलचंद नागटिळक संमेलनाध्यक्ष तर डॉ. बी. वाय. यादव स्वागताध्यक्ष बार्शी - अखिल भारतीय मराठी साहित्य…