📚 विशेष वैचारिक लेखमाला

भारतीयत्वाचा विस्तार

इतिहासातील सुप्त बीजांचा शोध

शहाजीराजांच्या बहुभाषिक दृष्टिकोनातून, आंतरभारती आणि विश्वभारती संकल्पनांच्या माध्यमातून २१व्या शतकातील भारतीयत्वाचा नवा विचार मांडणारी अभ्यासपूर्ण लेखमाला.

🏛 इतिहास 🗣 भारतीय भाषा 🌍 आंतरभारती 🌱 पर्यावरण
📖 लेखमालेतील लेख वाचण्यासाठी येथे क्लिक करा
November 13, 2026
काय चाललयं अवतीभवती

Literary Awards : संस्कृती प्रतिष्ठानच्या २०२६ सालासाठीच्या साहित्य पुरस्कारांसाठी ग्रंथ पाठविण्याचे आवाहन

संस्कृती प्रतिष्ठान इचलकरंजी साहित्य पुरस्कार २०२६ साठी ग्रंथ पाठविण्याचे आवाहन

इचलकरंजी : संस्कृती प्रतिष्ठान, इचलकरंजीच्यावतीने दरवर्षी दिल्या जाणाऱ्या साहित्य पुरस्कारांसाठी २०२६ सालाकरिता ग्रंथ पाठविण्याचे आवाहन करण्यात आले आहे. प्रतिष्ठानच्या कार्यवाह श्रीमती अनुराधा काळे यांनी मराठी साहित्यिक, लेखक आणि प्रकाशकांनी या पुरस्कारांसाठी आपले ग्रंथ पाठवावेत, असे आवाहन केले आहे.

यंदा लक्ष्मण कांबळे (जिंदा) स्मृती संस्कृती कादंबरी पुरस्कार, दगडूलाल मर्दा स्मृती संस्कृती कथा पुरस्कार आणि वसंत कमल स्मृती संस्कृती काव्य पुरस्कार असे तीन पुरस्कार दिले जाणार आहेत.

प्रत्येक पुरस्काराचे स्वरूप ५ हजार रुपये रोख, स्मृतिचिन्ह, ग्रंथ आणि शाल असे आहे. १ ऑक्टोबर २०२२ ते १ ऑक्टोबर २०२६ या चार वर्षांच्या कालावधीत प्रकाशित झालेली कादंबरी, कथा आणि काव्यसंग्रह या पुरस्कारांसाठी पाठविता येणार आहेत.

या पुरस्कारांसाठी प्राप्त झालेल्या ग्रंथांमधून मराठी साहित्यातील नामवंत साहित्यिकांच्या परीक्षण समितीद्वारे पुरस्कार विजेत्यांची निवड केली जाणार आहे. परीक्षण समितीच्या निर्णयात संस्थेचे पदाधिकारी कोणत्याही प्रकारचा हस्तक्षेप करीत नाहीत. त्यामुळे साहित्यिक आणि वाचकवर्तुळात या पुरस्कारांना विशेष महत्त्व प्राप्त झाले आहे.

पुरस्कारासाठी ग्रंथ पाठविण्याची अंतिम तारीख ३० नोव्हेंबर २०२६ आहे.

ग्रंथ पुढील पत्त्यावर पाठवावेत :

पंडित कांबळे,
‘बापूगंधा’, ३/४५९/२, गुरुकुल कॉलनी,
टाकवडे रोड, इचलकरंजी,
ता. हातकणंगले, जि. कोल्हापूर,
महाराष्ट्र – ४१६११५.

संपर्क : ९१४६१०६६८८ / ८३२९७९५३३६

मराठी साहित्याच्या विविध प्रकारांतील दर्जेदार आणि उल्लेखनीय ग्रंथांना व्यासपीठ मिळवून देणाऱ्या या पुरस्कारांसाठी पात्र लेखक व प्रकाशकांनी आपल्या ग्रंथांचा सहभाग नोंदवावा, असे आवाहन संस्कृती प्रतिष्ठानच्यावतीने करण्यात आले आहे.

Related posts

दक्षिण महाराष्ट्र साहित्य सभेच्या अध्यक्षपदी भीमराव धुळुबुळू

कविवर्य ए. पां. रेंदाळकर वाचनालयाचे सन 2024 चे साहित्य पुरस्कार जाहीर

अनुवादातून राष्ट्रजोडणीचा संदेश देणारे राष्ट्रभक्ती साहित्य संमेलन पुण्यात

Leave a Comment

Leave a review

    श्री अथर्व प्रकाशनचे इये मराठीचिये नगरी हे मिडिया व्यासपिठ आहे. अध्यात्म, शेती, पर्यावरण, ग्रामीण विकास यासह आता पर्यटन, राजकारण, समाजकारण, नवं संशोधन, साहित्य, मनोरंजन, आरोग्य आदी विषयांना वाहून घेतलेले हे न्युज पोर्टल आहे. संपर्कः श्री अथर्व प्रकाशन, 157, साळोखेनगर, कळंबा रोड, कोल्हापूर 416007 मोबाईलः 9011087406 WhatsApp - 8999732685, 9011087406
    error: Content is protected !!