रेडिमेड झालं जगणं
घराघरात मम्मी घुसली
आई बसली वेशीत
गावागावात माॅल आले
भाकर गेली एसीत
मिक्सर, कुकर, गॅसनं
घर डिजीटल झालंय
थालीपीठ, धपाटं, धिरडं
चुलीवरुन डिलिट झालंय
घराघरात घर करुन
पिझ्झा, ब्रेड, बर्गर, डोसा
एव्हरेस्ट, सुहाना, प्रवीण
रेडिमेड हिरवा ठेचा
आता ऐकूही येत नाही
वाटणं, कुटणं, ठेचणं
खणखणीत लोखंडी तव्यावर
झिंगे-बोंबिल भाजणं
पुस्तकात सापडतंय
शेंगुळ्या, भरित, माडगं
दही घुसळणारी उंच रवी
खणीचं खणखणीत गाडगं
गावरान शिवारी दाळदाणा
मुग-मटकी, नागली, वटाणा
कोंबडी, बोकड देशीच
घमघमघाट मसाला कुटाणा
आता सगळेच हायब्रिड
आजारसुध्दा विदेशी
माणूस थेट आयसीयुत
साधी चावली माशी
कवी – शिवाजी सातपुते ९०७५७०२७८९
- सत्संगाचे सौख्य : शुद्ध मनाच्या सान्निध्यात उलगडणारे जीवनगूढ
- प्रेमासाठी स्वातंत्र्याची छाटणी : ‘माझं’ आणि ‘आपलं’ यामधला मानवी संघर्ष
- गुपित प्रेमाचे : भक्त आणि भगवंताच्या एकरूपतेची ओवी
- पाऊस, शेती आणि संघर्ष : मराठी ग्रामीण कादंबरीचा अभ्यासपूर्ण पट
- मुलखावेगळ्या स्त्रियांचे जिचं तिचं आकाश प्रकाशित
Discover more from इये मराठीचिये नगरी
Subscribe to get the latest posts sent to your email.
