रेडिमेड झालं जगणं
घराघरात मम्मी घुसली
आई बसली वेशीत
गावागावात माॅल आले
भाकर गेली एसीत
मिक्सर, कुकर, गॅसनं
घर डिजीटल झालंय
थालीपीठ, धपाटं, धिरडं
चुलीवरुन डिलिट झालंय
घराघरात घर करुन
पिझ्झा, ब्रेड, बर्गर, डोसा
एव्हरेस्ट, सुहाना, प्रवीण
रेडिमेड हिरवा ठेचा
आता ऐकूही येत नाही
वाटणं, कुटणं, ठेचणं
खणखणीत लोखंडी तव्यावर
झिंगे-बोंबिल भाजणं
पुस्तकात सापडतंय
शेंगुळ्या, भरित, माडगं
दही घुसळणारी उंच रवी
खणीचं खणखणीत गाडगं
गावरान शिवारी दाळदाणा
मुग-मटकी, नागली, वटाणा
कोंबडी, बोकड देशीच
घमघमघाट मसाला कुटाणा
आता सगळेच हायब्रिड
आजारसुध्दा विदेशी
माणूस थेट आयसीयुत
साधी चावली माशी
कवी – शिवाजी सातपुते ९०७५७०२७८९
- वर्षा ऋतूत आरोग्याची कोणती काळजी घ्यावी ? Dr Radha Khadakkar Advice
- नोकरीच्या शोधात शहराकडे जाण्याऐवजी गावातच उद्योग कसा उभारता येईल ?
- रानफुलास
- ‘युगानुयुगे तूच’चा आता पंजाबी अनुवाद
- जागतिक अर्थकारणाच्या नव्या समीकरणांचा वेध घेणारे ‘ब्रिक्स अँड इंडिया’ ‘BRICS & INDIA: PROSPECTS & CHALLENGES
