April 14, 2024
saath-de-tu-mala-poet-deepak Patekar sawantwadi
Home » साथ दे तू मला
कविता

साथ दे तू मला

साथ दे तू मला

स्वप्नातील ते दिवस प्रेमाचे मज आठवले
आठवांच्या कोंदणात मी हळुवार बसवले

सागरतीरी छेडत होता तुज खट्याळ वारा
फडफड करती बटा केसांच्या नव्हता थारा

आतुर मिलना धावुनी लाटा येती किनारी
कवेत घेतो लाटा किनारा ते दृश्य मनोहारी

सांज होता दर्याच्या पाण्यात रवी डुबला
रंग तांबडा देऊनी पाण्या मिठीत शिरला

पाहुनी मिलन अधर हळूच अधरांस भेटले
अशीच साथ दे तू मला मन सांगुनी गेले

प्रेमाच्या घेऊनी आणाभाका प्रेमच थकले
चंचल मन ते तुझे नि माझे तिथेच फसले

हाती घेतला हात तुझा तो मी जीवनभर
जिवनसाथी बनविले प्रेमाच्या विश्वासावर

कवी – दीपक पटेकर, सावंतवाडी

Related posts

सामाजिक उपचारची दवाई : चारोळीसंग्रह अंतर -मंतर

Saloni Art : असे रेखाटा बेडकाचे थ्रीडी चित्र…

मंड्या जिल्ह्यातील रंगनाथिट्टू पक्षी अभयारण्य

Leave a Comment