सोलापूर – मराठी साहित्य विश्वातील सुप्रसिध्द लेखिका / कवयित्री कै. निर्मला मठपती यांच्या स्मरणार्थ फाऊंडेशनच्या विश्वस्तांनी सर्वोत्कृष्ट साहित्य निर्मिती पुरस्कार २०२५ देण्याचे योजिले आहे. पुरस्काराचे हे पाचवे वर्ष असून साहित्य पुरस्कारासाठी पुस्तके पाठविण्याचे आवाहन फाऊंडेशनच्या अध्यक्षा शिवांजली स्वामी यांनी केले आहे.
दर वर्षी वेगवेगळ्या साहित्य कृतीना पुरस्कार दिला जातो. यावर्षी कथासंग्रह, कविता संग्रह, बाल कविता संग्रह / बाल कथा संग्रह या तीन साहित्य प्रकारात हा पुरस्कार देण्यात येणार आहे. १ जानेवारी २०२३ ते ३१ डिसेंबर २०२४ या दोन वर्षात प्रकाशित झालेल्या प्रत्येकी एक कथासंग्रह, कविता संग्रह, बाल कविता संग्रह / बाल कथा संग्रहास हा पुरस्कार देण्यात येणार आहे. पुरस्काराचे स्वरूप रोख रक्कम, सन्मानचिन्ह व सन्मानपत्र असे आहे. पुरस्कार समारंभपूर्वक ऑक्टोबर २०२५ मध्ये दिले जाणार आहेत तरी इच्छुकांनी कथासंग्रह, कविता संग्रह, बाल कविता संग्रह/ बाल कथा संग्रह या पुस्तकाच्या प्रत्येकी दोन प्रती, स्वत:चे पासपोर्ट आकारातील छायाचित्र व अल्प परिचय ३१ जुलै २०२५ पूर्वी पाठवावा.
पुस्तके पाठविण्याचा पत्ता –
यु. बी. मठपती, ब्लॉक नं. १४, कनिष्क नगर, जुळे सोलापूर, सोलापूर- ४१३००४.
मोबाईल क्र: ९८८१२१६६४८
