साधंसुधं लेनं जसं…
तसे माया वर्हाडीचे बोल
चाकोलीवानी उमटली
त्यात अंतरीची ओल!
माया वर्हाडीचा बोल
हाये कसा झोकदार
जरीच्या टोपीले बाई
जशी लावली झाल्लर!
माया वर्हाडीचे बोल
सोभ सोभले मुखात
जसे लालचुटूक दाने
हारी मांडले अनारात!
माया वर्हाडी बोलाले
नका करू हनहन
शिवबा वर्हाडीचा नातू
त्याची तुम्हा आम्हा आन !
प्रतिमा इंगोले. ९८५०११७९६९.
इये मराठीचिये नगरी
मराठी साहित्य, संस्कृती, समाज आणि विचारांचे दर्जेदार लेख वाचण्यासाठी आमचे फेसबुक पेज फॉलो करा.
👍 Facebook Page Follow करा
मराठी विचारांची डिजिटल नगरी
