चंद्रपूर – जिल्ह्यातील शब्दांगण बहुउद्देशीय ज्ञान प्रबोधिनी संस्थेतर्फे यावर्षी राज्यस्तरीय शब्दांगण पुरस्कार २०२५ चे आयोजन करण्यात आले आहे. मागील सोळा वर्षापासून हे मानाचे पुरस्कार देण्यात येत असून पुरस्काराचे हे सतरावे वर्ष आहे.
या वर्षीच्या पुरस्कारासाठी १ जानेवारी २०२५ ते ३१ डिसेंबर २०२५ या कालावधीत प्रकाशित झालेले मराठी भाषेतील काव्यसंग्रह, कथासंग्रह, कादंबरी, समीक्षा किंवा संपादन, आत्मकथन या पाच साहित्य प्रकारातील प्रस्ताव मागविण्यात आले आहे.
कृपया कुणीही बालसाहित्य पाठवू नये. असे आवाहन संयोजकांच्यावतीने करण्यात आले आहे. रोख रक्कम, सन्मानचिन्ह आणि सन्मानपत्र असे पुरस्काराचे स्वरूप असून इच्छुक साहित्यिकांनी आपल्या साहित्यकृतीच्या २ प्रती, अल्पपरिचय आणि पासपोर्ट फोटोसह प्रस्ताव केवळ पोस्टानेच (कुरीयरने पाठवू नये) पाठवाव्यात.
पुस्तके पाठविण्याचा पत्ता ः डॉ.अनंता सूर (भ्र.९४२१७७५४८८), कल्पना मार्बलमागे, छोरीया ले आऊट, गणेशपूर, ता – वणी, जि – यवतमाळ पिन ४४५३०४ या पत्त्यावर ३० एप्रिल २०२६ पर्यंत पाठवावे, असे आवाहन डॉ.अनंता सूर यांनी केले आहे .
