शब्दांची आठली नदी
संवादाची फुटली नाव
ऐल तिरी पैल तिरी
तुझा माझा उजाड गाव
आता भेटून जाणे असे
वाळूवरची रुक्ष नक्षी
गळ गळ्यात मासळीच्या
कोळ्याचीही एकादशी
पूल पडला एकाकी
काठावरच निसरे पाय
वटकी फांदी .. रिता खोपा
उभ्या झाडाला ओली हाय
जरी नदी आठली तरी
कोरडे पात्र वाचून बघ
तुझा माझा संवाद होतील
सुक्या नदीवर शुभ्र ढग
आबा पाटील
मोबाईल – 90496 61266
Discover more from इये मराठीचिये नगरी
Subscribe to get the latest posts sent to your email.
