गेल्या काही महिन्यात राजकारणात अनेक आपटबार फुटत आहेत. त्यातच अनेक उलाथपालथी होत आहेत. याचा परिणाम सर्वसामान्यावर तर होतोच मग त्यामुळे अशा राजकारणाला ताळ्यावर आणण्यासाठी राजन कोनवडेकर यांचा फुलबाज्या तर ठिणग्या टाकणारच ना…
खोड…..
उचलली जीभ लावली टाळ्याला
राजन कोनवडेकर
वाटेल तसे भकत असतात |
गावठी कुत्री अल्शिशियन समजून
मालकासाठी भूकत असतात ||
आपटबार….
डोकी वरती किरीट मस्तवाल
राजन कोनवडेकर
घालून मिरवती जळलेले |
वाटेल तसे भकतात पोपट
राजकारणात पाळलेले ||
उमाळा..
शेतकरी हिताला प्राधान्य
राजन कोनवडेकर
प्रधान मंत्र्यांचा गजर |
आंदोलन कर्त्यांच्या नशिबात
वांज गाईचा पाझर…||
अघोरी प्यास….
जालीयनवाल्या बागातल्या
राजन कोनवडेकर
आणि लखीमपूरी रागातल्या
सारख्याच होत्या किंकाळ्या |
फरक इतकाच होता
यांनी चालवल्या मोटारगाड्या
त्यांनी घातल्या गोळ्या |
