माजी आमदार संपतराव (नाना) माने यांच्या पुण्यतिथीनिमित्त राज्यस्तरीय वकृत्व स्पर्धा
खानापुर – माजी आमदार संपतराव (नाना) माने यांच्या ३५ व्या पुण्यतिथीनिमित्त संपतराव माने महाविद्यालय, खानापूर येथे मंगळवार ३० सप्टेंबर रोजी राज्यस्तरीय वकृत्व स्पर्धाचे आयोजन करण्यात आले आहे. या स्पर्धेमध्ये प्रथम क्रमांक विजेत्यांना ५०००/- रोख रक्कम, सन्मानपत्र व ट्रॉफी, द्वितीय क्रमांक विजेत्यांना ३०००/- रोख रक्कम, सन्मानपत्र व ट्रॉफी, तृतीय क्रमांक क्रमांक विजेत्यांना २०००/- रोख रक्कम, सन्मानपत्र व ट्रॉफी व उत्तेजनार्थ क्रमांक विजेत्यांना १०००/- रोख रक्कम, सन्मानपत्र व ट्रॉफी अशी बक्षिसे प्रदान करण्यात येणार आहेत. त्यामुळे जास्तीत जास्त विद्यार्थ्यांनी स्पर्धेत सहभागी व्हावे, असे आवाहन प्राचार्य डॉ. जहॉगिर मुलाणी यांनी केले आहे.
तसेच बुधवार १ ऑक्टोबर रोजी पुण्यतिथीचा कार्यक्रम सांगली जिल्हा मध्यवर्ती सहकारी बँकचे माजी चेअरमन प्राचार्य, डॉ. सिकंदर जमादार व सांगली जिल्हा मध्यवर्ती सहकारी बँकचे संचालक अमोल बाबर यांच्या उपस्थितीत होणार आहे, अशी माहिती शिक्षण प्रसारक संस्था खानापूरचे अध्यक्ष राजकुमार (दादा) माने यांनी दिली.
