May 23, 2024
Shrawan Poem by Vilas Kulkarni
कविता

श्रावण

श्रावण

रिमझिम श्रावण सरीत राया मला भिजवा
प्रेमाच्या हिंदोळ्यावर अलगद तुम्ही झुलवा

भुरुभुरू वाऱ्यावर आता लता लागली डोलू
सुगंध पसरला चोहीकडे कळी लागली फुलू
श्रावणी मोगरा फुलला रात्र आजची जागवा
प्रेमाच्या हिंदोळ्यावर अलगद तुम्ही झुलवा

भिजली सातारची मैना पंख लागले फडफडू
गूज मनीचे राघुचे ऐकून गगनात पहाते उडू
शृंगाराची रीत आगळी चोचीने चोच भरवा
प्रेमाच्या हिंदोळ्यावर अलगद तुम्ही झुलवा

आंब्याच्या फांद्यावर बांधा नवा कोरा झोका
अलगद येऊन मागून गुपचूप लोचन झाका
तनात शिरशिरी हवा श्रावण करा हो हिरवा
प्रेमाच्या हिंदोळ्यावर अलगद तुम्ही झुलवा

विलास कुलकर्णी
मीरा रोड

Related posts

ब्रह्मत्वासाठी दृढ निश्चयाने अभ्यास करायला हवा

मनाची स्थिरतेसाठी आवश्यक शास्त्र अभ्यासायला हवे 

श्रद्धा आहे…

Leave a Comment

श्री अथर्व प्रकाशनचे इये मराठीचिये नगरी हे मिडिया व्यासपिठ आहे. अध्यात्म, शेती, पर्यावरण, ग्रामीण विकास यासह आता पर्यटन, राजकारण, समाजकारण, नवं संशोधन, साहित्य, मनोरंजन, आरोग्य आदी विषयांना वाहून घेतलेले हे न्युज पोर्टल आहे. संपर्कः श्री अथर्व प्रकाशन, 157, साळोखेनगर, कळंबा रोड, कोल्हापूर 416007 मोबाईलः 9011087406 WhatsApp - 8999732685, 9011087406