May 23, 2024
Deepmal poem by Pratima Ingole
कविता

दीपमाळ

माय म्हणे लेक झाली
कुणी म्हणालं नवरात्रात जन्म
देवीचं देणं घेऊन आली…

तसं नव्हतं काहीच
लेकीचा जन्म दुर्दैवाची निशाणी
उगाच जन्माची वेळ..
केवळ मन समजावणी…

तसं त्या काळी
मी जन्मल्याबरोबर
उजळलं होत घर…

विजेचे दिवे लागून
अंधाराला हसलं होतं..
पण म्हणून ते कुठं
सगुणाचं ठरलं होतं…

लेकाचा पायगुण
लेकीचे कुठं गायचे
असतात गुण?

आईच्या माहेरी
बसायचा घट
भोवती गहू पेरून
हिरवी हिरवळ…

तुझा चालायचा
उदो उदोउदो
चढवून पानांची माळ
आरती घुमायची कानात
देवळात दीपमाळ
तुझं रूप मनामनात….

Related posts

तिळगंगा साहित्य प्रेरणा पुरस्कार अन् प्रतिभा पुरस्कार जाहीर

कॉफीमुळे थकवा ! जाणून घ्या कारणे…

दुखभरे दिन बीते रे भैय्या…

Leave a Comment

श्री अथर्व प्रकाशनचे इये मराठीचिये नगरी हे मिडिया व्यासपिठ आहे. अध्यात्म, शेती, पर्यावरण, ग्रामीण विकास यासह आता पर्यटन, राजकारण, समाजकारण, नवं संशोधन, साहित्य, मनोरंजन, आरोग्य आदी विषयांना वाहून घेतलेले हे न्युज पोर्टल आहे. संपर्कः श्री अथर्व प्रकाशन, 157, साळोखेनगर, कळंबा रोड, कोल्हापूर 416007 मोबाईलः 9011087406 WhatsApp - 8999732685, 9011087406