June 15, 2024
Sunetra Joshi Poem on Dipawali
Home » उजेडात झगमग नहावी दिवाळी
कविता

उजेडात झगमग नहावी दिवाळी

दिवाळी... 

दिवे उजळुनी ही सजावी दिवाळी 
फटाके उडावे कळावी दिवाळी 

करंजी अनरसे चिरोटे मिठाई 
फराळात सा-या बुडावी दिवाळी 

शिरा गोड आणिक पुरी सोबतीला
अशा जेवणाने चढावी दिवाळी 

कुणी एकटे ना असावे सणाला
मुलामाणसांनी हसावी दिवाळी 

नको आज अंधार कुठल्या घराशी
उजेडात झगमग नहावी दिवाळी 

जिथे आज पोटास नाही कुणाच्या 
मुखी  घास द्यावा भरावी दिवाळी 

जळो घोर अंधार नैराश्य जावो
प्रकाशात मग झगमगावी दिवाळी 

असा पाच दिवसात आनंद घ्यावा 
निरंतर मनाशी जपावी दिवाळी 

अशी जोड द्यावी नव्याची जुन्याला
मनाने मनाशी जुळावी दिवाळी 

कथा काव्य लेखास वाचून आता 
सख्यांसोबतीने करावी दिवाळी 

सौ सुनेत्रा विजय जोशी 
रत्नागिरी..

Discover more from इये मराठीचिये नगरी

Subscribe to get the latest posts to your email.

Related posts

पंढरीची वारी…

कोकेडमा कसे तयार करायचे ?

जगातील सर्वात उंचीवरचे टपाल कार्यालय

Leave a Comment

श्री अथर्व प्रकाशनचे इये मराठीचिये नगरी हे मिडिया व्यासपिठ आहे. अध्यात्म, शेती, पर्यावरण, ग्रामीण विकास यासह आता पर्यटन, राजकारण, समाजकारण, नवं संशोधन, साहित्य, मनोरंजन, आरोग्य आदी विषयांना वाहून घेतलेले हे न्युज पोर्टल आहे. संपर्कः श्री अथर्व प्रकाशन, 157, साळोखेनगर, कळंबा रोड, कोल्हापूर 416007 मोबाईलः 9011087406 WhatsApp - 8999732685, 9011087406

Discover more from इये मराठीचिये नगरी

Subscribe now to keep reading and get access to the full archive.

Continue reading