कोल्हापूर : आंतरराष्ट्रीय International Women’s Day निमित्त महिलांच्या डिजिटल सक्षमीकरणासाठी कोल्हापुरात ‘वूमेन WordPress डे २०२६’ या विशेष कार्यक्रमाचे आयोजन करण्यात आले आहे. कोल्हापूर येथील वर्डप्रेस समुदायाच्या पुढाकारातून हा उपक्रम १४ मार्च रोजी सकाळी ९.३० ते दुपारी ३ या वेळेत होणार आहे.
कोल्हापूर येथे होणाऱ्या Women WordPress Day या कार्यक्रमाच्या आयोजनाची जबाबदारी WordPress समुदायातील आदिती शिंदे, स्नेहल काशीद व सृष्टी पाटोळे यांनी स्वीकारली आहे. ब्रँडिंग व डिझाइन क्षेत्रात कार्यरत अदिती शिंदे या Hybrid Inks Studio या डिझाइन स्टुडिओच्या प्रमुख असून त्या कार्यक्रमाच्या प्रमुख संयोजकांपैकी आहेत. स्नेहल या WPGenius Solutions LLP येथे WordPress डेव्हलपर म्हणून कार्यरत असून वेब विकास क्षेत्रात त्यांचा चार वर्षांचा अनुभव आहे. तर तंत्रज्ञान क्षेत्रातील उत्साही विद्यार्थिनी सृष्टी पाटोळे या कृत्रिम बुद्धिमत्ता व मशीन लर्निंग विषयात बी.टेक. शिक्षण घेत असून WordPress समुदायात सक्रियपणे योगदान देत आहेत.
डिजिटल माध्यम, वेब डेव्हलपमेंट आणि कंटेंट निर्मिती क्षेत्रात महिलांचा सहभाग वाढविणे, तसेच तंत्रज्ञान क्षेत्रातील संधींबाबत मार्गदर्शन करणे हा या कार्यक्रमाचा मुख्य उद्देश आहे. कार्यक्रमात तज्ज्ञांची व्याख्याने, अनुभवकथन, चर्चासत्रे आणि परस्पर संवाद सत्रांचे आयोजन करण्यात आले आहे.
या उपक्रमातून वेब डेव्हलपमेंट, ब्लॉगिंग, डिझाईन, डिजिटल मार्केटिंग तसेच ओपन-सोर्स तंत्रज्ञानाच्या क्षेत्रातील विविध संधींबाबत माहिती देण्यात येणार आहे. नवोदित तसेच अनुभवी महिलांना आपले अनुभव मांडण्याची आणि तज्ज्ञांकडून मार्गदर्शन घेण्याची संधी या कार्यक्रमातून मिळणार आहे.
डिजिटल क्षेत्रात रुची असलेल्या विद्यार्थिनी, उद्योजिका तसेच वेब तंत्रज्ञानाशी संबंधित काम करणाऱ्या महिलांनी या कार्यक्रमात सहभागी व्हावे, असे आवाहन आयोजकांनी केले आहे.
कार्यक्रमाची रूपरेषा
दिनांक : १४ मार्च २०२६
वेळ : सकाळी ९.३० ते दुपारी ३
उपक्रम : व्याख्याने, चर्चासत्रे, अनुभवकथन, नेटवर्किंग सत्र
सहभागी होण्यासाठी करा लिंकवर क्लिक – https://events.wordpress.org/kolhapur/2026/WomensDay/
इये मराठीचिये नगरी
मराठी साहित्य, संस्कृती, समाज आणि विचारांचे दर्जेदार लेख वाचण्यासाठी आमचे फेसबुक पेज फॉलो करा.
👍 Facebook Page Follow करा
