महाराष्ट्राच्या पूर्व भागात चंद्रपुर, गडचिरोली, भंडारा, गोंदिया या चार जिल्ह्यात व त्याच्या सीमावर्ती भागात झाडीबोली बोलली जाते. या बोलीतील शब्द महाराष्ट्राच्या संस्कृतीत उजेडात आणण्यासाठी अरुण झगडकर आणि लक्ष्मण खोब्रागडे यांनी चार वर्षे संशोधन करून झाडीबोली शब्दकोश तयार केला. त्या शब्दकोषाचे प्रकाशन चंद्रपूर जिल्हा परिषदेच्या शिक्षणाधिकारी अश्विनी सोनवणे , पुणे येथील ज्येष्ठ साहित्यिक नामदेव माळी पुणे, राज्यस्तरीय मार्गदर्शक माजी विस्तार अधिकारी प्रतिभा भराडे सातारा व चंद्रपूरचे उपशिक्षणाधिकारी श्रीनिवास कांबळे, विस्तार अधिकारी धनराज फटींग यांचे हस्ते करण्यात आले.
हा शब्दकोश महाराष्ट्राच्या संस्कृतीचा अनमोल ठेवा असल्याचे ज्येष्ठ साहित्यिक नामदेव माळी यांनी सांगितले. सर्वांनी या क्षणाचे साक्षीदार झाल्याचा आनंद व्यक्त केला. यावेळी अरुण बावणे, निखिल तांबोळी, संगीता मॅडम, प्रशांत भंडारे , डॉ. अल्का ठाकरे, विजय भोगेकर व जिल्हाभरातील शेकडो शिक्षक उपस्थित होते .
