June 25, 2024
khel-radicha-poem-by-tukaram-patil
Home » खेळ रडीचा
कविता

खेळ रडीचा

खेळ रडीचा

गाव पुढारी दारी येतो उसन्या साठी
नजर विखारी असते त्याची लुटण्यासाठी

गंमत होते तेव्हा कोणी का थांबावे
कोणालाही नसते बंदी हसण्यासाठी

सावध वागा सांगायाचे काय तुम्हाला
हाती फुरसे धरताकाहो डसण्यासाठी

रीत जगाची घातक आहे जो तो म्हणतो
कापायाचा उमदा बकरा जगण्यासाठी

कोणालाही वाटत असते मिरवत जावे
चकमक झगमग नटणे असते दिसण्यासाठी

कळते सारे या जगताला करता चाळे
खेळत जाता खेळ रडीचा जितण्यासाठी

पटतेकाहो कोणालातर सांगा हे मज
म्हाताऱ्यांनी राबायाचे तरण्यासाठी

बदलत गेले हरवत गेले सगळे काही
संस्काराचे बंधन तुटले सजण्यासाठी

तुकाराम पाटील
चिंचवड, पुणे 33

Related posts

मनातून मीपणा गेला तरच घडतो खरा त्याग

‘ध’ चा ‘मा’ पलीकडे अज्ञात राहिलेली आनंदीबाईं

सोहळा लोकशाहीचा , जागर मताधिकाराचा

Leave a Comment

श्री अथर्व प्रकाशनचे इये मराठीचिये नगरी हे मिडिया व्यासपिठ आहे. अध्यात्म, शेती, पर्यावरण, ग्रामीण विकास यासह आता पर्यटन, राजकारण, समाजकारण, नवं संशोधन, साहित्य, मनोरंजन, आरोग्य आदी विषयांना वाहून घेतलेले हे न्युज पोर्टल आहे. संपर्कः श्री अथर्व प्रकाशन, 157, साळोखेनगर, कळंबा रोड, कोल्हापूर 416007 मोबाईलः 9011087406 WhatsApp - 8999732685, 9011087406