May 22, 2024
Evergreen Love Poem BY Sunetra Joshi
कविता

प्रेम चिरंतन…

प्रेम चिरंतन

नजरेत नजर गुंतत आहे 
प्रेम कदाचित सांगत आहे.. 
सांग तुलाही आवडतो ना
प्रेम मला ती मागत आहे... 

उभा घेऊनी गुलाब हाती
मला वाटते गंमत आहे... 
होशील सखे का माझी तू 
मी ही त्याला सहमत आहे 

जवळ येऊन मिठीत घेता
मोर मनाचा थिरकत आहे... 
तव ओठांनी अधर चुंबिता
श्वासात श्वास उतरत आहे... 

रंग उडाला चर्येवरचा 
जगास सारे समजत आहे.. 
तितके तितके जगास कळते
जितके मी ते लपवत आहे... 

स्वप्न गुलाबी पडू लागली
आयुष्याला रंगत आहे... 
युगायुगांची अशी प्रतिक्षा
क्षणात आता संपत आहे...
 
व्यक्त कराया प्रेम भावना 
दिवस आजचा साधत आहे... 
धडधडणारे  हृद्य सांगते
प्रेम चिरंतन श्वाश्वत आहे... 

सौ सुनेत्रा विजय जोशी
रत्नागिरी.

Related posts

पु. ल. देशपांडे म्हणाले आम्ही तर…

आत्मज्ञानी होण्यासाठी मनाशी युद्ध

स्वतः तेजस्वी झालो तरच इतरांना तेजस्वी करू शकू

Leave a Comment

श्री अथर्व प्रकाशनचे इये मराठीचिये नगरी हे मिडिया व्यासपिठ आहे. अध्यात्म, शेती, पर्यावरण, ग्रामीण विकास यासह आता पर्यटन, राजकारण, समाजकारण, नवं संशोधन, साहित्य, मनोरंजन, आरोग्य आदी विषयांना वाहून घेतलेले हे न्युज पोर्टल आहे. संपर्कः श्री अथर्व प्रकाशन, 157, साळोखेनगर, कळंबा रोड, कोल्हापूर 416007 मोबाईलः 9011087406 WhatsApp - 8999732685, 9011087406