आपल्याही मनात हवामानाविषयी काही शंका असतील. पाऊस, पाणी व शेती संबंधी प्रश्न असतील तर जरूर कमेंटमध्ये लिहा. त्यात आपले नाव व नंबर लिहायला विसरू नका. आपल्या प्रश्नांची अभ्यासपूर्ण उत्तरे देऊ.
माणिकराव खुळे,
जेष्ठ सेवानिवृत्त हवामान तज्ञ, भारतीय हवामान खाते पुणे.
९४२३२१७४९५, ९४२२०५९०६२.
पावसाची शक्यता –
आज बुधवार दि. ३ सप्टेंबर(एकादशी) पासुन रविवार दि. ७ सप्टेंबर(पौर्णिमे) पर्यन्तच्या पाच दिवसात संपूर्ण कोकण, विदर्भ व खान्देशसह नाशिक जिल्ह्यात व संपूर्ण सह्याद्री घाटमाथ्यावर मध्यम ते जोरदार पावसाची शक्यता जाणवते.
विशेषतः मुंबई, मुंबई उपनगर, ठाणे, पालघर, रायगड, नाशिक, धुळे, नंदुरबार, जळगांव उत्तर, छ. सं. नगर, जालना, अमरावती, अकोला, बुलढाणा, नागपूर, भंडारा, गोंदिया, गडचिरोली, चंद्रपूर ह्या जिल्ह्यात व संपूर्ण सह्याद्री घाटमाथ्यावर पावसाचा प्रभाव अधिक जाणवू शकतो.
पावसाची उघडीप-
सोमवार दि. ८ सप्टेंबर ते शुक्रवार दि. १२ सप्टेंबर च्या पाच दिवसात पूर्व विदर्भ वगळता, मुंबई व संपूर्ण कोकण सहित उर्वरित महाराष्ट्रात उघडीपीची शक्यता जाणवते.
पुन्हा पावसाची शक्यता-
शनिवार दि. १३ सप्टेंबर ते २० सप्टेंबर दरम्यानच्या आठ दिवसात संपूर्ण महाराष्ट्रात पुन्हा दमदार पावसाची हजेरी लागू शकते, असे वाटते.
