महान योद्धा श्रीमंत थोरले बाजीराव पेशवे यांच्या रावेरखेडी (मध्य प्रदेश) येथील समाधीचं दर्शन घेण्याची संधी नुकतीच म्हणजे १४ एप्रिलला मिळाली. नर्मदेच्या किनाऱ्यावर नयनरम्य ठिकाणी असलेली ही समाधी चांगल्या अवस्थेत तर आहेच, शिवाय इथं स्वच्छताही उत्तम ठेवली जाते. समाधीस्थळी महापराक्रमी पेशव्यांचा उंच पुतळा उभारणार असल्याची वृत्ते काही वर्षांपूर्वी आली होती. पण अद्याप तरी कामाला सुरुवात झालेली दिसली नाही. अगदी त्यांचे छायाचित्रही कुठे दिसत नाही. इथली प्रशस्त जागा पाहता इथं माहितीपूर्ण संग्रहालयही उभारता येऊ शकतं. रावेरखेडी हे शेतीप्रधान गाव आहे. गावकरी साधेसुधे आणि स्वागतशील. समाधीच्या निमित्तानं हे पर्यटनस्थळ म्हणून विकसित झालं, तर गावकऱ्यांना रोजगार मिळू शकतो…

सुनीता लोहोकरे, पुणे