नाशिक – पिंपळगाव जलाल ( ता. येवला जि नाशिक ) येथील शिवाबाबा वाघ प्रतिष्ठानतर्फे आयोजित शहादू शिवाजी वाघ स्मृती राज्यस्तरीय चौथ्या साहित्य कलाकृती पुरस्कार जाहीर करण्यात आले आहेत, अशी माहिती प्रतिष्ठानचे अध्यक्ष संजय वाघ यांनी दिली आहे.
प्रतिष्ठानने १ जानेवारी २०२४ ते ३१ डिसेंबर २०२४ या कालावधीतील साहित्य कलाकृती पुरस्कारासाठी पाठविणेबाबत आवाहन केले होते. महाराष्ट्रामधून आणि परराज्यातून मराठी भाषिकांचे कथासंग्रह, कविता संग्रह, कादंबरी आणि ललित लेखन याच्या एकूण १४६ साहित्यकृती पुरस्कारासाठी प्राप्त झाल्या होत्या. त्यातून प्रत्येकी एका साहित्य प्रकारातील एक कलाकृती पुरस्कारासाठी निवड करण्यात आली आहे. रोख रक्कम, स्मृतिचिन्ह असे या पुरस्काराचे स्वरुप आहे.
शिवाबाबा वाघ प्रतिष्ठान आयोजित शहादू शिवाजी वाघ स्मृती चौथे राज्यस्तरीय साहित्य कलाकृती पुरस्कार विजेते असे –
१. कविता संग्रह – जामिनावर सुटलेला काळा घोडा कवी- धनाजी धोंडीराम घोरपडे.
२. कादंबरी- घरंगळण लेखक – डॉ. भीमराव वाकचौरे
३. कथासंग्रह – कोंडमारा लेखक – मा. डॉ. अनंता सूर, यवतमाळ
४. ललित संग्रह- काळीजफुल लेखिका – वर्षा किडे – कुळकर्णी, नागपूर
