काव्यप्रेमी शिक्षक मंचचे राज्यस्तरीय साहित्य पुरस्कार जाहीर

माधव पवार यांना ‘काव्यप्रेमी जीवन गौरव’; १० मे रोजी सोलापुरात पुरस्कार वितरण

सोलापूर : काव्यप्रेमी शिक्षक मंच, सोलापूर या राज्यस्तरीय साहित्य संस्थेतर्फे गेल्या दहा वर्षांपासून मराठी साहित्य, संस्कृती आणि भाषा संवर्धनासाठी विविध उपक्रम राबविले जात आहेत. राज्यभर साहित्य संमेलने, कवी संमेलने, कार्यशाळा आणि सामाजिक उपक्रम आयोजित करणाऱ्या या संस्थेतर्फे मागील पाच वर्षांपासून विविध साहित्यप्रकारांतील उत्कृष्ट साहित्यकृतींना पुरस्कार देऊन गौरविण्यात येते.

यंदाच्या “काव्यप्रेमी सर्वोत्कृष्ट पुरस्कार २०२६” ची घोषणा करण्यात आली असून विविध साहित्यप्रकारांतील लेखक, कवी आणि संशोधकांचा सन्मान करण्यात येणार आहे. तसेच यंदापासून प्रथमच “सर्वोत्कृष्ट साहित्य संस्था पुरस्कार” सुरू करण्यात आला आहे. या पुरस्कारांचे वितरण रविवार, १० मे २०२६ रोजी सकाळी १० वाजता, लोकमान्य टिळक सभागृह, श्री हिराचंद नेमचंद वाचनालय, किल्ला बागेजवळ, सोलापूर येथे आयोजित समारंभात करण्यात येणार आहे.

मराठी साहित्य क्षेत्रातील योगदानाबद्दल ज्येष्ठ कवी माधव पवार (सोलापूर) यांना “काव्यप्रेमी जीवन गौरव पुरस्कार” प्रदान करण्यात येणार आहे.

पुरस्कारप्राप्त साहित्यकृती व साहित्यिक

“सारे काही तुझ्याचसाठी” – डॉ. सविता शेट्टी, कोल्हापूर
स्व. यशवंत चिंधू नेरे स्मृती सर्वोत्कृष्ट कवितासंग्रह पुरस्कार

“उद्याचा दहशतगर्द अंधार” – कविता मोरवणकर, मुंबई
स्व. विष्णूपंत माळोकार स्मृती सर्वोत्कृष्ट कवितासंग्रह पुरस्कार

“काव्यार्चना” – अर्चना मुरूगकर, पुणे
दिलीप गोविंद दमाणे स्मृती सर्वोत्कृष्ट कवितासंग्रह पुरस्कार

“खान्देमळणी” – अनंता सूर
स्व. भिमाई बाविस्कर स्मृती सर्वोत्कृष्ट कथासंग्रह पुरस्कार

“लव्ह इज लव्ह” – आशा नेगी, पुणे
स्व. जयवंती राजाराम तावडे स्मृती सर्वोत्कृष्ट कादंबरी पुरस्कार

“एकसोबीस हरी पत्ती, दौंड आणि मी” – संगिता अरबुने, वसई
कै. सौ. रत्नाबाई घोडके स्मृती सर्वोत्कृष्ट ललित साहित्य पुरस्कार

“चलबट” – प्रा. अर्जून होटकर, सोलापूर
स्व. पुष्पावती धर्माधिकारी स्मृती आत्मचरित्र पुरस्कार

“एक पक्षी” – सतिश गुलाबसिंह मालवे, अमरावती
स्व. रूक्मिणीबाई नारायण चवडेकर स्मृती सर्वोत्कृष्ट गझलसंग्रह पुरस्कार

“ओठावरील गाणी” – विकास भावे, नौपाडा
स्व. सौ. सुंदर बोंगाळे स्मृती सर्वोत्कृष्ट समीक्षा साहित्य पुरस्कार

“निवडक स्त्री आत्मकथने : सामाजिक सत्त्व आणि स्वत्व शोध” – डॉ. शिवाजी नारायणराव शिंदे, परभणी
मातोश्री कै. शालिनी चिंचवडकर स्मृती संशोधन ग्रंथ पुरस्कार

“झाडं लावणारा मुलगा” – प्रियांका कर्णिक, पुणे
ॲड. कॉ. मदन फडणीस स्मृती सर्वोत्कृष्ट चरित्र / प्रेरणादायी साहित्य पुरस्कार

“प्रकाश पेरण्यासाठी” – डॉ. लता पाडेकर, पुणे
आणि
“सणोत्सव” – विलास सिंदगीकर, लातूर
शंकर घोरसे सर्वोत्कृष्ट बालसाहित्य पुरस्कार

साहित्य संस्था पुरस्कार
“संत गाडगे महाराज विचार मंच”, ओतूर (ता. जुन्नर, जि. पुणे)
या संस्थेला माधवराव कचवे स्मृती सर्वोत्कृष्ट साहित्य संस्था पुरस्कार जाहीर करण्यात आला आहे.