परदेशी वित्तसंस्थांच्या माऱ्यापोटी लक्षणीय घसरण !

साप्ताहिक शेअर बाजार समालोचन

शनिवार दि. 28 फेब्रुवारी रोजी संपलेल्या सप्ताहाच्या अखेरीस भारतीय शेअर बाजारांवर सातत्याने प्रतिकूल वातावरण राहिले. परदेशी वित्त संस्थांनी जोरदार विक्रीचा मारा केल्यामुळे दोन्ही प्रमुख निर्देशांकांमध्ये जबरदस्त घसरण झालेली होती. परिणामतः गेल्या सप्ताहाच्या अखेरीस अनेक प्रमुख कंपन्यांचे भाव आणि सर्व निर्देशांक खाली कोसळलेले होते.

प्रा नंदकुमार काकिर्डे

या सप्ताहाच्या अखेरीस मुंबई शेअर निर्देशांक तब्बल 1527.52 अंशांनी किंवा 1.84 टक्क्यांनी खाली कोसळून अखेरीस 81287.19 अंश पातळीवर बंद झालेला होता. त्याचप्रमाणे मिडकॅप निर्देशांकात 1.09 टक्क्यांची तर स्मॉल कॅप निर्देशांकात 0.86 टक्क्यांची घसरण झालेली होती. राष्ट्रीय शेअर बाजारावरील 50 प्रमुख कंपन्यांवर आधारलेला निफ्टी गेल्या सप्ताहात 392.6 अंशांनी किंवा 1.53 टक्क्यांनी खाली कोसळून अखेरीस 25 हजार 178.65 अंश पातळीवर बंद झालेला होता. गेल्या सप्ताहात पाचही सत्रांमध्ये मध्यम व कमी स्वरूपाचे व्यवहार झाले. या सप्ताहातील प्रत्येक सत्राचा धावता आढावा घ्यायचा झाला तर सोमवार दि. 23 फेब्रुवारीच्या पहिल्याच सत्रामध्ये वातावरण सकारात्मक राहिलेले होते. याचे प्रमुख कारण म्हणजे अमेरिकेतील सर्वोच्च न्यायालयाने डोनाल्ड ट्रम्प यांनी लादलेला टेरिफ रद्द केल्यामुळे बाजारात सकारात्मक वातावरण निर्माण झालेले होते. या सत्रामध्ये मुंबई शेअर निर्देशांकामध्ये 480 अंशांची तर निफ्टी मध्ये 142 अंशांची उत्तम वाढ नोंदवली गेली.

मंगळवार दि. 24 फेब्रुवारीच्या सत्रात माहिती तंत्रज्ञान क्षेत्रातील कंपन्यांमध्ये जोरदार विक्री झाल्याचा प्रतिकूल परिणाम बाजारावर झाला. परिणामतः या सत्रामध्ये दोन्ही निर्देशांक जबरदस्त कोसळलेले होते. त्यात मुंबई शेअर निर्देशांक 1069 अंशांनी तर निफ्टी 288 अशांनी खाली कोसळले. बुधवार दि. 25 फेब्रुवारीच्या सत्रात वातावरण खूपच हेलकावे पूर्ण राहिले आणि दिवसअखेरीस मुंबई शेअर निर्देशांकात 50 अंशांची तर निफ्टी मध्ये 58 अंशांची सुधारणा झालेली आढळली. गुरुवार दि. 26 फेब्रुवारीच्या सत्रामध्ये बाजारात फारसा उत्साह नव्हता. अखेरीस मुंबई शेअर निर्देशांकात 559 अंशांची तर निफ्टी मध्ये 147 अंशांची घसरण नोंदवली गेली. शुक्रवार दिनांक 27 फेब्रुवारी च्या सप्ताहाच्या आणि फेब्रुवारी महिन्याच्या अखेरच्या सत्रामध्ये पुन्हा एकदा परदेशी वित्त संस्थांनी मोठ्या प्रमाणावर विक्रीचा मारा चालू ठेवला. परिणामतः या सत्रामध्ये अभूतपूर्व घसरण निर्देशांकांमध्ये झालेली पहावयास मिळाली. मुंबई शेअर निर्देशांक 961 अशांनी तर निफ्टी 318 अंश खाली घसरलेले होते. एकंदरीत गेल्या सप्ताहातील पाच पैकी दोन सत्रात वातावरण सकारात्मक राहिले उर्वरित ती तीन सत्रांमध्ये दोन्ही प्रमुख निर्देशांकांची मोठी घसरण नोंदवली गेली.

गेल्या सप्ताहातील प्रमुख कंपन्याचे भाव पुढील प्रमाणे राहिले – आर अँड बी डेनिम्स या कंपनीचा भाव सप्ताहभरात 11.46 टक्क्यांनी खाली कोसळला व 171.05 रुपये पातळीवर बंद झाला. कंपनीला एक कोटी वीस मीटर ची 216 कोटींची मोठी देणे उत्पादनाची ऑर्डर मिळूनही बाजारातील ही प्रतिक्रिया होती. जे एस डब्ल्यू इन्फ्रास्ट्रक्चर या कंपनीचा भाव गेल्या सप्ताहात 0.74 टक्क्यांनी वरती जाऊन 254.85रुपये पातळीवर बंद झाला. ही कंपनी लवकरच 25 कोटी रुपयांचे दोन रुपये दर्शनी मूल्याचे शेअर्स बाजारात आणणार आहे. त्यामुळे शेअर्समध्ये उत्तम वाढ झाली. शिल्पा मेडिकेअर या कंपनीचा भाव गेल्या सप्ताहात 3.19 टक्क्यांनी वरच्या पातळीवर गेला व 336.30 रुपये पातळीवर बंद झाला.

डायना कॉन्स सिस्टिम्स अँड सोल्युशन्स या कंपनीचा भाव 1.78 टक्क्यांनी खाली घसरला व 931.25 रुपये पातळीवर बंद झाला. अरोबिंदो फार्मा या कंपनीच्या भावातही 5.25 टक्क्यांची उत्तम भाव वाढ झाली व त्याचा भाव 1221.55 रुपये पातळीवर बंद झाला. किर्लोस्कर ब्रदर्स कंपनीच्या भावात गेल्या सप्ताहात 0.77 टक्क्यांची थोडीशी घसरण झाली व त्याचा भाव 1569.30 रुपये पातळीवर बंद झाला. साम्ही हॉटेल्स कंपनीच्या भावात गेल्या सप्ताहात 1.7 टक्क्यांची घसरण झाली व त्याचा भाव 162.50 रुपये पातळीवर बंद झाला. त्याचप्रमाणे अनेक प्रमुख कंपन्यांचे बंद भाव पुढील प्रमाणे राहिले- अदानी स्पोर्ट्स 1520.85 रुपये; एशियन पेंट्स 2376.25 रुपये; ॲक्सिस बँक 1383.85 रुपये; बजाज फायनान्स 996.50 रुपये; भारतीय एअरटेल 1879.75 रुपये; इटर्नल 246.45 रुपये; एचडीएफसी बँक 887.40 रुपये; आयसीआयसीआय बँक 1379 रुपये; हिंदुस्तान लिव्हर 2338.25 रुपये; इंडिगो 4823.05 रुपये; इन्फोसिस 1299.95 रुपये; आयटीसी 313.60 रुपये; कोटक बँक 415.30 रुपये; लार्सन अँड टू ब्रो 4280.55 रुपये; महिंद्रा आणि महिंद्र 3399.90 रुपये; मारुती 14869.55 रुपये; एनटीपीसी 381.85 रुपये; पॉवर ग्रिड 298.75 रुपये; रिलायन्स 1394.30 रुपये; स्टेट बँक ऑफ इंडिया 1202 रुपये; सन फार्मा 1738.10 रुपये; टाटा स्टील 212.35 रुपये; टेक महिंद्रा 1357.25 रुपये; टायटन 4328.40 रुपये; ट्रेंट 3900.15 रुपये व अल्ट्रा सिमेंट 12680.25 रुपये.

(लेखक पुणेस्थित अर्थविषयक ज्येष्ठ पत्रकार असून पुणे शेअर बाजाराचे माजी संचालक आहे).