राज्यात थंडीला सुरवात

  आपल्याही मनात हवामानाविषयी काही शंका असतील. पाऊस, पाणी व शेती संबंधी प्रश्न असतील तर जरूर कमेंटमध्ये लिहा. त्यात आपले नाव व नंबर लिहायला विसरू नका. आपल्या प्रश्नांची अभ्यासपूर्ण उत्तरे देऊ.

माणिकराव खुळे,
जेष्ठ सेवानिवृत्त हवामान तज्ञ, भारतीय हवामान खाते पुणे.
९४२३२१७४९५, ९४२२०५९०६२.

आजची थंडीच्या लाटेसदृश्य स्थिती –

१०.८ अंश से. इतके किमान तापमान नोंदवून महाराष्ट्रात पहिल्या थंडीच्या लाटेसदृश्य स्थिती आज जळगांव ने अनुभवली आहे. हे किमान तापमान, सरासरीपेक्षा  पाच डिग्रीने खाली नोंदवले गेले आहे. जळगांवचे कमाल तापमानही आज ३०.८ अंश से. नोंदवून सरासरीच्या २.७ अंश से. ने हे तापमान खालावलेले आहे.

थंडी वाढणार –
       
उद्या ( रविवार, दि. ९ नोव्हेंबर ) पासून महाराष्ट्रातील धुळे, नंदुरबार, जळगांव, नाशिक, छत्रपती संभाजी नगर व उत्तर अहिल्या नगर अश्या सहा जिल्ह्यांत  सरासरीपेक्षा २ ते ४ डिग्रीने तर विदर्भात २ डिग्रीने किमान तापमान खालावून सप्ताहभर म्हणजे शनिवारी दि. १४ नोव्हेंबर पर्यन्त चांगल्या थंडीची शक्यता जाणवते.