जळगांव, जेऊर, नाशिक, यवतमाळला थंडीची लाट ! तर ‘कोकणातही थंडी !

आपल्याही मनात हवामानाविषयी काही शंका असतील. पाऊस, पाणी व शेती संबंधी प्रश्न असतील तर जरूर कमेंटमध्ये लिहा. त्यात आपले नाव व नंबर लिहायला विसरू नका. आपल्या प्रश्नांची अभ्यासपूर्ण उत्तरे देऊ.

माणिकराव खुळे,
जेष्ठ सेवानिवृत्त हवामान तज्ञ, भारतीय हवामान खाते पुणे.
९४२३२१७४९५, ९४२२०५९०६२.

थंडीची लाट जाणवणारी ठिकाणे –
ठिकाण, किमान तापमान ( सरासरीच्या खाली).👇
जळगांव ६.९(-४.९), जेऊर ५ (-५.६), नाशिक- ७.८(-४.५), यवतमाळ ८.०(-५.९)

थंडीच्या लाटे सदृश्य स्थिती असणारी ठिकाणे – गोंदिया ८.४(-४.१), वाशिम ९.६ (-४.१),                
  डहाणू १५.१(-३.५),   मुंबई(सांताक्रूझ) १४.९(-३.६) तसेच अहिल्यानगर, पुणे, सातारा, नांदेड

मुंबईसह कोकणातही पारा उतरतोय !

मुंबईसह कोकणात पहाटे ५ चे किमान तापमान हे सरासरी किमान तापमानाच्याही खाली सध्या घसरत आहे. मुंबई(सांताक्रूझ) १४.९(-३.६), डहाणू १५.१(-३.५), रत्नागिरी १६.१(-३.८) येथे किमान तापमान लक्षणीय खालावले आहे. तर इतर ठिकाणी पारा सरासरी किमान तापमानाच्या खाली एक डिग्रीच्या आसपास खालवले आहे.

पुढील ८ दिवस अजूनही थंडीचेच –

शुक्रवारपासुन पुढील ८ दिवस म्हणजे १९ डिसेंबर ( मार्गशीर्ष दर्शवेळ आमावस्ये)पर्यन्त महाराष्ट्रात थंडीचा कडाका जाणवण्याची शक्यता आहे. परंतु मंगळवार दि. १५ ते गुरुवार दि. १७ डिसेंबर दरम्यानच्या तीन दिवसात केवळ काहीशी थंडी कमी होवु शकते