तंजावर (तमिळनाडू) – हिंदवी स्वराज्याचे संस्थापक छत्रपती शिवाजी महाराज यांच्या ३९६ व्या जयंतीनिमित्त तंजावर येथील सदर महाल पॅलेसमध्ये विशेष कार्यक्रमाचे आयोजन करण्यात आले. हा कार्यक्रम तमिळनाडू मराठा संघटना Tamil Nadu Maratha Association (TMA) यांच्या वतीने रविवारी, २२ फेब्रुवारी २०२६ रोजी मोठ्या उत्साहात पार पडला.
कार्यक्रमाला तमिळनाडू मराठा असोसिएशनचे अध्यक्ष विश्वजीत घाडे राव, तंजावर अध्यक्ष अलेक्झांडर भोसले यांच्यासह संघटनेचे पदाधिकारी, सदस्य आणि अनेक मान्यवर उपस्थित होते. उपस्थितांनी शिवाजी महाराजांच्या प्रतिमेस अभिवादन करून त्यांच्या पराक्रम, दूरदृष्टी आणि राष्ट्रनिर्मितीतील योगदानाचे स्मरण केले.
या विशेष प्रसंगी तंजावरच्या प्रिन्स सरफोजी राजे भोसले Prince Serfoji Rajah T. Bhosale तसेच त्यांचे सुपुत्र प्रिन्स प्रतापसिंह सरफोजी राजे भोसले Prince Pratap Sinh Serfoji Rajah Bhosale यांनी सदर महाल पॅलेस येथून उपस्थितांना मनःपूर्वक शुभेच्छा व आशीर्वाद दिले.
कार्यक्रमात शिवाजी महाराजांच्या आदर्शांचा गौरव करण्यात आला तसेच मराठा परंपरा, इतिहास आणि संस्कृती जपण्याचा संदेश देण्यात आला. भक्तिभाव आणि अभिमानाच्या वातावरणात हा सोहळा पार पडला.
Discover more from इये मराठीचिये नगरी
Subscribe to get the latest posts sent to your email.
