उजेडाच्या वाटेवर प्रदर्शनाला मुदतवाढ

प्रदर्शनाला मुदतवाढ
मंगळवार १० आणि बुधवार ११ मार्च रोजी हे प्रदर्शन खुले राहील. महाराष्ट्र राज्य महिला आयोगातर्फे भरवण्यात आलेले प्रसिद्ध छायाचित्रकार, अभ्यासक, लेखक संदेश भंडारे यांच्या “उजेडाच्या वाटा “या महिलांविषयीच्या छायाचित्र प्रदर्शनाला १२ मार्च २०२६ पर्यंत मुदतवाढ देण्यात आली आहे . पु .ल .देशपांडे महाराष्ट्र कला अकादमीच्या- रवींद्र नाट्यगृह, कलादालनात पाच ते आठ मार्च दरम्यान हे प्रदर्शन आयोजित करण्यात आले होते. त्याला प्रेक्षकांकडून उत्तम प्रतिसाद मिळाला.

उजेडाच्या वाटेवर

कधी स्वतः प्रकाश होऊन,
कधी पावला पुरत्या प्रकाशात हळूहळू पुढे पुढे जाणाऱ्या,
कधी अख्खी वाट उजेडात भरून टाकणाऱ्या, या सगळ्या जणी, 
आमच्या अवतीभवती आहेत. 

समाजात निम्म्या संख्येने असलेल्या स्त्रियांचा हा अवकाश,
त्यांच्या कामाचा कष्टांचा, स्वप्नांचा आणि
जाणिवांचा परिघ काळाबरोबरच विस्तारत आहे.

स्त्रीचे स्थान काळानुरूप बदलत आहे.
प्रत्यक्ष जीवनात रोजच्या वर्तनातून ते प्रतिबिंबित होत राहते.
छायाचित्रणाच्या माध्यमातून कलाकाराला दिसलेले
स्त्री जीवनाचे वेगवेगळे पैलू
सामाजिक दृष्ट्या उलगडत जातात.

ही छायाचित्रे पाहताना
सहजरित्या दिसणाऱ्या गोष्टींचे गर्भित अर्थ
प्रेक्षकांच्या मनात उमटत उमटावेत आणि
कित्येक गृहीत धरलेल्या गोष्टींमधील धारणा
या निमित्ताने लख्ख दिसून यावी,
हाच आमचा हेतू आहे.

स्त्रियांच्या क्षमतांविषयीचे समज मोडणारी,
कामातील तिची असोशी दाखवणारी,
तिच्या पारंपरिक भूमिकांना छेद देणारी,
त्याचबरोबर पारंपरिक भूमिकांचे महत्त्व सांगणारी,
तिचा सामाजिक स्तर दाखवणारी,
जिद्द दाखवणारी,

ही छायाचित्रे...

प्रेक्षकांचा आणि समाजाचा
स्त्रीविषयक दृष्टिकोन सुदृढ करणारे हे प्रदर्शन आहे.

संकल्पना आणि छायाचित्रे – संदेश भंडारे

आयोजक
महाराष्ट्र राज्य महिला आयोग