मुंबई – यूपीएससीतर्फे घेतल्या गेलेल्या नागरी सेवा मुख्य परीक्षा 2024 या परीक्षेचा निकाल जाहीर झाला आहे. मुख्य परीक्षा उत्तीर्ण झालेल्या व मुलाखती पात्र ठरलेल्या राज्यातील विद्यार्थ्यांसाठी ४ फेब्रुवारी २०२५ पासून मुंबई येथील राज्य प्रशासकीय व्यवसाय शिक्षण संस्थेमध्ये मुलाखत प्रशिक्षण सत्राचे आयोजन केले आहे, अशी माहिती राज्य प्रशासकीय व्यवसाय शिक्षण संस्थेच्या संचालक डॉ. भावना पाटोळे यांनी दिली आहे.

२०२४ च्या मुख्य परीक्षेत उत्तीर्ण झालेल्या आणि भारतीय प्रशासकीय सेवा (IAS), भारतीय परराष्ट्र सेवा (IFS), भारतीय पोलिस सेवा (IPS) आणि गट-अ आणि गट-ब च्या इतर केंद्रीय सेवांमध्ये निवडीसाठी व्यक्तिमत्व चाचणीची तयारी करणाऱ्या उमेदवारांसाठी SIAC मोफत मुलाखत तंत्र कार्यशाळा कार्यक्रम (नकली मुलाखत) आयोजित केला आहे. तरी इच्छुक उमेदवारांनी त्यांचे तपशीलवार अर्ज फॉर्म (DAF) तपशील, संपर्क क्रमांक आणि महाराष्ट्राचे अधिवास प्रमाणपत्र siac1915@gmail.com वर सादर करावे. मुलाखत तंत्र कार्यक्रम ४ फेब्रुवारी २०२५ पासून SIAC येथे होणार आहे.