धुळकुंडा …
कोण आमदार होईल
कोण खासदार होईल
कोणाचं तिकीट कटल
कोणाला पक्ष पटल ..??
गावागावात सध्या जत्रा भरतात
गप्पांच्या फैरी झडतात …
पुरुष सभांना जाताय
नेत्यांची भाषण ऐकताय
रॅलीत घोषणा देत देत
पोरं धुळकुंडा खाताय…
इकडे वर्षानुवर्ष –
वावरात माय राबते
बहीण राबते ..
प्रत्येकाची बायको राबते…
त्यांच्या हाडामासातलं रक्त पिऊन
फुललेलं पीक फक्त ..हमीभाव मागते…!!
मराठी बोलीभाषांचा रंगीत फड”