पर्यटन मंत्रालयाकडून सर्वोत्कृष्ट पर्यटन गावे स्पर्धा-2024चे विजेते जाहीर

पर्यटन मंत्रालयाकडून सर्वोत्कृष्ट पर्यटन गावे स्पर्धा-2024चे विजेते जाहीर

नवी दिल्‍ली – भारत सरकारच्या पर्यटन मंत्रालयाने 27 सप्टेंबर 2024 रोजी जागतिक पर्यटन दिनानिमित्त सर्वोत्कृष्ट पर्यटन गावे स्पर्धा 2024 च्या विजेत्यांची घोषणा केली.

भारताचा आत्मा म्हणजेच देशातल्या गावांमध्ये पर्यटनाला चालना देण्यासाठी 2023 मध्ये सर्वोत्कृष्ट पर्यटन गावे स्पर्धा सुरू करण्यात आली. सर्व पैलूंवर समुदाय-आधारित मूल्ये आणि शाश्वततेसाठी बांधिलकीद्वारे सांस्कृतिक आणि नैसर्गिक संपत्तीचे जतन आणि संवर्धन करणाऱ्या गावांचा धांडोळा घेऊन त्यांची निवड करण्यावर यात भर देण्यात आला. 

वर्ष 2023 मध्ये झालेल्या पहिल्या सर्वोत्कृष्ट पर्यटन गावे स्पर्धेत 795 गावांमधून अर्ज आले. दुसऱ्या सर्वोत्कृष्ट पर्यटन गावे  स्पर्धेत, 30 राज्ये आणि केंद्रशासित प्रदेशांमधून एकूण 991 अर्ज प्राप्त झाले होते, त्यापैकी 36 गावांची निवड सर्वोत्कृष्ट पर्यटन गाव स्पर्धा 2024 च्या 8 श्रेणींमध्ये विजेते म्हणून करण्यात आली. 

विजेत्या गावात कृषी पर्यटन श्रेणीत महाराष्ट्रातील कर्दे गावाचा समावेश आहे.

36 विजेते असे –

पर्यटन पुरस्कार मिळवणारे कर्दे गाव –

कर्दे हे रत्नागिरी जिल्ह्यातील गाव असून स्वतंत्र ओळख असलेले हे गाव आहे आहे. स्वच्छ समुद्रकिनारे, पांढरी वाळू आणि नयनरम्य परिसर यामुळे कर्दे गाव पर्यटकांचे विशेष आकर्षण आहे. कृषी पर्यटन, महिला सक्षमीकरण आणि शाश्वत विकासासाठीच्या नावीन्यपूर्ण दृष्टिकोन बाळगून कर्दे गाव मार्गक्रमण करत आहे.