July 21, 2024
Girls in Suit Poem By Shivaji Satpute
Home » सुटबुटवाल्या तंग पोरी
कविता

सुटबुटवाल्या तंग पोरी


सुटबुटवाल्या तंग पोरी
नेसुन साडी येते का घरी
नकली फुलांच्या रंगिन शहरी
वासानं येते मला, भोवळ घेरी ।धृ।

नको ही धास्ती, हसतीया नुसती
करुया दोस्ती, बगेल वस्ती
तुझी नी माझी यारी गं
फुलांची भाषा, भुंगे मधमाशा
शिवारी नशा, मोकळ्या दिशा
झिंगणार कधी तु गं माळावरी
सुटबुटवाल्या तंग पोरी
नेसुन साडी येते का घरी
नकली फुलांच्या रंगिन शहरी
वासानं येते मला, भोवळ घेरी ॥१॥

चल रानात जावू , गुज मनात ठेऊ
उन्हात गाऊ, डोळ्यात पाहू
झोक्याची धरुनिया दोरी गं
भाकर हिरव्या मिरचीचा ठेचा,
अंबट गोड गाबुळ चिंचा
फिका ईथे गं बरगर पिज्जा
वाकून बघते पाडाची कैरी
सुटबुटवाल्या तंग पोरी
नेसुन साडी येते का घरी
नकली फुलांच्या रंगिन शहरी
वासानं येते मला, भोवळ घेरी ॥२॥

राघुंचा थवा, रोज नवा नवा
येता जाता खावा, राणी राणमेवा
पिकल्यात सार्‍या बोरी गं
हा धुंद रानवारा, जाऊ नको शहरा
गाव माझा खरा, नको रंगवू चेहरा
चल तुळस पुजूया दारी
सुटबुटवाल्या तंग पोरी
नेसुन साडी येते का घरी
नकली फुलांच्या रंगिन शहरी
वासानं येते मला, भोवळ घेरी ॥३॥

शिवाजी सातपुते ९०७५७०२७८९


Discover more from इये मराठीचिये नगरी

Subscribe to get the latest posts sent to your email.

Related posts

बीदरचा किल्ला…

आत्मज्ञानाची अनुभूती म्हणजे साक्षात्कार

ऊसाचा नवीन वाण : फुले ऊस १३००७

Leave a Comment

श्री अथर्व प्रकाशनचे इये मराठीचिये नगरी हे मिडिया व्यासपिठ आहे. अध्यात्म, शेती, पर्यावरण, ग्रामीण विकास यासह आता पर्यटन, राजकारण, समाजकारण, नवं संशोधन, साहित्य, मनोरंजन, आरोग्य आदी विषयांना वाहून घेतलेले हे न्युज पोर्टल आहे. संपर्कः श्री अथर्व प्रकाशन, 157, साळोखेनगर, कळंबा रोड, कोल्हापूर 416007 मोबाईलः 9011087406 WhatsApp - 8999732685, 9011087406

Discover more from इये मराठीचिये नगरी

Subscribe now to keep reading and get access to the full archive.

Continue reading