मुंबई – २०२५ मध्ये सुरू झालेला इंडिया फाउंडेशन फॉर द आर्ट्स IFA (आयएफए) चा कला संशोधन अभ्यास कार्यक्रम कलांमध्ये संशोधन करण्यासाठी वेगवेगळ्या आणि व्यापक दृष्टिकोनांचे मूल्य जाणतो. जे प्रकल्प सर्जनशील, विद्वत्तापूर्ण आणि/किंवा सांस्कृतिक व्यवहारात रुजलेल्या ज्ञान आणि विचारांच्या स्वरूपांचा शोध घेतात. ते राबवण्यात IFA (आयएफए) ला विशेष रस आहे. अशा प्रकल्पांतून भारतातील अभिव्यक्ती व सादरीकरणांचा इतिहास, वैविध्य, यांचे प्रकटन घडून शोधक वृत्ती, संवाद, सखोल मनन आणि प्रयोगशीलता यांसह कला आस्वाद आणखी सखोल कळण्यास मदत होते. यासाठी इंडिया फाउंडेशन फॉर द आर्ट्स (IFA) तर्फे कला संशोधन प्रकल्पासाठी प्रस्ताव पाठविण्याचे आवाहन करण्यात आले आहे.
या प्रकल्पासाठी विद्वान, अभ्यासक संशोधक, कलाकार कार्यकर्ते, क्युरेटर, अनुवादक, प्रशिक्षक कलाकार, लेखक, तत्वज्ञानी, गेमर, किंवा संशोधन आणि कला सादरीकरण यांतील छेदबिंदूवर स्वतःला स्थान देण्यास इच्छुक असलेले कोणीही भारतीय नागरिक प्रस्ताव पाठवू शकतो. प्रकल्पाचा कालावधी किमान एक वर्ष आणि जास्तीत जास्त १८ महिने असा असून पाच लाखापर्यंतचे अंदाजपत्रक करण्याची मुभा आहे. त्यामध्ये ३५ टक्के मानधनासाठी विनंती केली जाऊ शकते.
या संदर्भात अधिक माहितीसाठी हर्षिता बथवाल, प्रोग्रॅम ऑफिसर, आर्टस् रिसर्च, यांच्याशी harshita@indiaifa.org संपर्क करावा. ईमेल चा विषय “कला अभ्यासासाठी प्रकल्प प्रस्ताव” असा असावा. संपर्क करण्याची अंतिम तारीख ११ ऑगस्ट २०२५ ही आहे. प्रस्ताव पाठवण्याची अंतिम तारीख: १० सप्टेंबर २०२५ अशी आहे.
सविस्तर माहितीसाठी लिंकवर क्लिक करा –
https://indiaifa.org/sites/indiaifa/website/programme/ar/2025/marathi-june2025.pdf
